Jeremia 51:25 - MUKANDA USANDU WA ZAMBI 1975

²⁵ Yehova kanambe ngwenyi, kunalimika ni yena mulundu chonwonyi— mukwa kwonwona hashi heswe. Mungwolola kwoko liami kulimika ni yena; mungukuhulumuna ku milundu ni kukupwisa mulundu wa kwocha.

Mukanda Wa Zambi 1970

²⁵ Babilonia yena uli ngwe mulundu uze wakwonona hashi heswe, alioze yami Mwene Zambi, nguli mukwa kole ye. Mungukukwata, mungukuhulumuna hashi, ni kukupwisa uto.

Jeremia 51:25 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Miaso (Masamu) 138:7

Chipwe ngunende hakachi ka lamba, yena kumukanguhuzulula. Kumukolola kwoko lia kulimika ni ufwatulo wa akwa kole jami. Kwoko lie lia chindume mulikangupulula.

Izaya 13:2

Mikenu mbandeira ha mulundu wa hululu, tambikenu kuli ayo ni tachi; lahulenu ni moko akanjile mu yikolo ya alemu.

Jeremia 25:12

Mba ha kuhwa makumi shimbiali a miaka munguhana kastigu kuli mwanangana wa Babilonia ni vungu lienyi, chifuchi cha A-Kaletea, mumu ha uhenge wo, ni kupwisa chifuchi cha kwenyeka ndo ku miaka. Chocho kanambe Yehova.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 50:25

Yehova hanazulula chisweko cha yikungo yenyi, hanachizamo yikungo ya ufwatulo wenyi. Mumu Mwene Yehova-wa-Tujita kali ni milimo yimwe kulinga mu chifuchi cha A-Kaletea.

Jeremia 50:31

Mwene Yehova-wa-Tujita kanambe ngwenyi, Ena mukwa kulengumuka, kunalimika ni yena; mumu tangwa lie hiliaheta, we mwaka wa kukwaha kastigu ye.

Jeremia 51:53

Chipwe Babilonia manyina ku malilu; chipwe makolesa ngwe mbonge ya mwilu, hindu yonwonyi munguyihuiumuna hali iye. Chocho kanambe Yehova.

Jeremia 51:58

Yehova-wa-Tujita kanambe ngwenyi, Chipanga chinene cha mawe cha Babilonia kumakachipuzula ndo hashi; ni yikolo yenyi yisuku kumakayocha ni kahia. Mavungu kanahondangana mokomoko, minyachi yinalikatalisa ha kahia wika.

Jeremia 51:7

Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Zakaria 4:7

Ena mulundu unene, kuchi wapwa? Kumeso ja Zorobabele kumuupwa chana, mba kumakakundamisa luliwe lwa helu hakachi ka maliji a kukololoka ngwo, Vumbi, lukapwe ni vumbi!

2 Petulu 3:10

Alioze tangwa lia Mwene kumulikeza ngwe mwiji ha ufuku: muze malilu makahwa ni lundunjila, ni yuma ya mwilu muyikasangunuka ni chivukuminya cha kahia, ni hashi ni yitanga yize yiliho muyikawema wupu.

Usolwelo 8:8

Mungelo wamuchiali wembile chitavwi chenyi, ni ngwe mulundu unene wa kuyila ni kahia aunyashine mu kalunga-lwiji; ni chihanda chimuwika cha ku yihanda yitatu ya ku kalunga-lwiji chalumukine manyinga.