Jeremia 51:22 - MUKANDA USANDU WA ZAMBI 1975

²² ni yena mungupalwola lunga ni pwo; ni yena mungupalwola kashinakaji ni mwana-lunga; ni yena mungupalwola mukweze ni mwana-pwo;

Mukanda Wa Zambi 1970

²² kushiha malunga ni mapwo, ni makulwana ni akweze, ni ana a malunga ni a mapwo;

Jeremia 51:22 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Izaya 13:15

Mweswe makamuwana mamutuwa ndusu, mweswe makamukwata mafwa ni katana.

Izaya 13:16

Ana jo a kemba makaahwotola pusu kwe kumeso jo; mazuwo jo makaapupa, ni mapwo jo kupomba no.

Izaya 13:18

Mata jo kumakashiha akweze; kechi kavwila vumbi hali waze matuhuka mu jimo; kechi kavwila keke ana akepe.

Izaya 20:4

chocho mwanangana wa Asuria makatwala A-Engitu funge ni A-Etiopia akatwame ku chifuchi kusuku, ni makulwana ni twanuke, keshi mazalo keshi haku, ni matako a kufukula, chikapwe sonyi ja A-Engitu.

Jeremia 44:7

Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Jeremia 50:37

Eze katana hali tuvwalu twenyi ni matemba jenyi, ni hali maswalale a ku yifuchi yeka waze ali no, hanga akalumuke ngwe mapwo! Eze katana ha upite wenyi akaupupe!

Jeremia 51:23

ni yena mungupalwola kafunga ni yimuna jenyi; ni yena mungupalwola njimi ni ngombe jenyi; ni yena mungupalwola akwa kuyula ni tupitau;

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.