Jeremia 51:19 - MUKANDA USANDU WA ZAMBI 1975

¹⁹ Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Mukanda Wa Zambi 1970

¹⁹ Zambi ya Yakoba keshi ngwe ayo; iye mwe watangile yuma yeswe, yatongola Aisraele kubwa atu jenyi. Mwene Zambi Mukwa Ndundo Jeswe lie jina lienyi.

Jeremia 51:19 Iomraidhean Croise

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Miaso (Masamu) 16:5

Yehova iye chihanda chami cha chihinga ni cha musenge wami. Yena kuwakufunga chihanda chami.

Miaso (Masamu) 33:12

Vungu lize likwete Yehova Zambi yo kuliawaha. Kawaha atu aze iye hatongola akapwe chihinga chenyi.

Miaso (Masamu) 73:26

Musunya wami ni mbunge yami yakulezumuka, alioze Zambi iye tachi ja mbunge yami. Iye chihanda chami ku miaka ya mutolo.

Miaso (Masamu) 74:2

Iwuluka chikungulwila che chize walanjile ha shakulu; chize wakulile chikapwe vungu lia chihinga che; iwuluka mulundu wa Zaione kuze watwamine.

Izaya 47:4

Mukwa-Kutukula—iye mwe Musandu wa Izalele, jina lienyi Yehova-wa-Tujita.

Izaya 51:13

Hinwavulama Yehova Tangi yenu, yoze Wazazulwile malilu, wasele fundamentu ya hashi. Nunevu woma ndusu tangwa lieswe mumu ha ufwatulo wa mukwa kupinjisa, yoze kanase mbunge yenyi mukwenyeka. Ufwatulo wa mukwa kupinjisa ulihiwo?

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 33:2

Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Jeremia 50:11

Chipwe nunawahilila, chipwe nunalikwiza, enu akwa kupupa chihinga chami, chipwe nuli ni usolo ngwe chihwo cha chimbembe cha ngombe ha kelo, chipwe nwakuteta ngwe kuji ja tuvwalu,

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Lungungu 3:24

Mbunge yami kuyakwamba ngwo, Yehova iye chihanda chami kashika muli iye mungutalatala.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: