Jeremia 51:16 - MUKANDA USANDU WA ZAMBI 1975

¹⁶ Muze matuhwisa liji lienyi kwakupwa kunuma cha meya mwilu, kakwandula mbundu ndo ku masongo a hashi. Kakutuma njaji ja vula, kakuchiza fuji mu mazuwo jenyi a kuswekela.

Mukanda Wa Zambi 1970

¹⁶ Ku liji lienyi meya kaakulundumuka kwilu; kakukakumwisa malelwa ku masongo a hashi. Kakutuma njaji mu vula, kakutuma fuji kuma liayo.

Jeremia 51:16 Iomraidhean Croise

Ubutukilo 8:1

Alioze Zambi yewuluka Noe ni akwa mwono eswe ni yimuna eswe apwile hamwe nenyi mu ulungu. Zambi yapalikisa fuji hashi chocho meya ahuwile.

Jobe 37:13

Chipwe ha kulongesa, hanji ha kuwahisa mavu jenyi, hanji ha utu wa zango lume; iye kakuchilingisa.

Jobe 38:22

Ena hiwanjila kuze akutulikila neve? Hiwamona kuze akutulikila chiwe,

Jobe 40:9

Kwoko lie chimuwika liapwa ni lia Zambi? Muhasa kukulunguza ngwe liji lienyi?

Miaso (Masamu) 104:7

Ha kwambila cha yena achinyine: ha liji lie lia kukulunguza alipupwishile kuchina.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Miaso (Masamu) 147:18

Kakutuma liji lienyi akayisangunune. Kakuhehula fuji yenyi, mba meya mapukuka.

Miaso (Masamu) 18:13

Yehova wakulungujile nawa mwilu, Mwe Chitunda wahanjikile liji lienyi; chiwe ni makala a kahia.

Miaso (Masamu) 46:6

Mavungu atenukine; mawanangana atutulukile; iye wahanjikile mba hashi hasangunukine.

Miaso (Masamu) 68:33

Kuli yoze unende helu lia malilu a malilu aze atwama chize ku shakulu, ivwenu, kanahanjika liji lienyi, lie liji lia ndundo.

Miaso (Masamu) 78:26

Wanehene fuji ya ku Chivumbuko yipalike mwilu. Wasongwelele fuji ya ku Sule ni ngolo jenyi.

Kutuhuka 10:13

Mose yazundula mulumbu wenyi ha chifuchi cha Engitu, mba tangwa lize lieswe, ni ufuku uze weswe, Yehova yatuma ha chifuchi fuji yimwe ya ku Chivumbuko. Mba muze kwachile ye fuji ya ku Chivumbuko yanehene makumbi.

Kutuhuka 10:19

Yehova yatuma fuji yimwe ya tachi jinene ya ku Chitokelo, yiyianda e makumbi yiyiambila mu Kalunga-lwiji Muchila. Kukwasalile chipwe kumbi umuwika mu njiza jeswe ja Engitu, ka.

Kutuhuka 14:21

Mose yolola kwoko lienyi ha kalunga-lwiji mba ufuku weswe Yehova yasosolola kalunga-lwiji ni fuji ya tachi ya ku Chivumbuko; yalumuna kalunga-lwiji hashi homu. Meya yahandunuka.

Ezekiel 10:5

Ni chinumo cha mapulwa ja akerupimi achivwile ndo ku yize ya haze, ngwe liji lia Zambi Mukwa-Ndundo-Jeswe muze mahanjika.

Amose 9:7

Yehova kanambe ngwenyi, Enu A-Izalele kunwapwile ngwe A-Etiopia kuli yami? Te chachijile A-Izalele ku chifuchi cha Engitu? Ni A-Filistea ku Kafetore ni A-Seria ku Kiri?

Yona 1:4

Alioze Yehova yatuma fuji yimwe yinene ha kalunga-lwiji; kwapwile kangonga munene ha kalunga-lwiji, kashika wato wambile kumakuka.

Yona 4:8

Mba muze tangwa hiliavumbuka, Zambi yalulika fuji ya chivukuminya ya ku Chivumbuko, ni mwalwa yiutwa ha mutwe wa Yona. Yalezumuka, yeta kuli Zambi akafwe mumu yamba ngwenyi, Kuli yami Shinaho kutwa hi mwono ko.