Jeremia 51:13 - MUKANDA USANDU WA ZAMBI 1975

¹³ Ena watwama ku njiji jinji, wapita yuma yilemu; songo lie hilieza wanda wa mwono we hanaupatula.

Mukanda Wa Zambi 1970

¹³ Chifuchi chize chili ni njiji jinji ni ubite unji, alioze tangwa hiliakundama, hijamukangana kuchina alamwine mwono wenyi.

Jeremia 51:13 Iomraidhean Croise

Ubutukilo 6:13

Mba Zambi yamba kuli Noe ngwenyi, Kumeso jami songo lia musunya weswe hilieza, mumu hashi hazala to ni upupilo kuli ayo, kashika mungwanongesa hamuwika ni he hashi.

Miaso (Masamu) 137:1

Ku njiji ja Babilonia twatwamine; ewa, twalilile muze twewulukile Zaione.

Izaya 43:14

Yehova Mukwa-Kunukula, mwe Musandu wa Izalele kanambe ngwenyi, Ha mukunda wa yenu mungukatuma ku Babilonia, mungukamakuna njalo jeswe, mba kukalumioka cha A-Kaletea muchalumuka kulila mbimbi.

Izaya 45:3

Mungukwaha upite wa milima ni yuma ya kulumbika ku tenga ukanyingike yami Yehova, Zambi ya Izalele, ngunakusanyika ni jina lie.

Izaya 57:17

Mumu ha uhenge wa chipululu chenyi natenukine, namulambile, nafukile meso jami ni utenu, hindu wayile nikukokoloka mu jila ya mbunge yenyi mwene.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Jeremia 50:27

Shihenu kuji jenyi eswe a ngombe, akaye ku chishihilo. Lamba lio mumu tangwa lio liasula hiliaheta, lie tangwa lia kastigu yo.

Jeremia 50:31

Mwene Yehova-wa-Tujita kanambe ngwenyi, Ena mukwa kulengumuka, kunalimika ni yena; mumu tangwa lie hiliaheta, we mwaka wa kukwaha kastigu ye.

Jeremia 50:37

Eze katana hali tuvwalu twenyi ni matemba jenyi, ni hali maswalale a ku yifuchi yeka waze ali no, hanga akalumuke ngwe mapwo! Eze katana ha upite wenyi akaupupe!

Jeremia 51:36

Kashika Yehova kanambe ngwenyi, Mungukuhakwila mungukukalila. Munguumisa kalunga-lwiji kenyi, munguumisa fuji lienyi lia meya.

Lungungu 4:18

Malunga atukawile mwe mu ngano, chocho chipwe mu matapalo jetu kutwa-hashile kwenda. Songo lietu liakundamine; matangwa jetu ahwile mumu hitwaheta ku songo.

Daniel 5:26

Ni ulumbunwiso wa chikuma ngwami, chino: MENE, Zambi hanalula matangwa ja wanangana wenu; hanausulisa.

Amose 8:2

Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi, Songo hiliaheta kuli atu jami A-Izalele; chichi kwapalika nawa nilimwe tangwa.

1 Petulu 4:7

Alioze songo lia yuma yeswe hilinakundama: pwenu ni mana kashika, keyelenu, nukalitumbikile ku kulemba.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.

Usolwelo 17:1

Mba umwe wa kuli angelo shimbiali, waze apwile ni misenge shimbiali, wejile, wahanjikile ni yami, ngwenyi, Tweya kuno, mungukulweza upatwilo wa chikoi munene, yoze watwama ha meya anji eka ni eka.

Usolwelo 17:15

Iye yamba kuli yami ngwenyi, Meya eka ni eka aze hiwamona, haze hatwama chikoi, atu ni yizavu yinji, ni mavungu ni malimi.

Usolwelo 18:19

O akuwile fufuta ha mitwe yo, akololokele, nikulila, nikunenganyana, ngwo, Mama yami! Mama yami! Lie limbo linene, muze waze eswe apwile ni maulungu ha kalunga-lwiji alipichishile ku ndando yenyi yilemu! Mumu susumuku hihapwa lia hululu.