Jeremia 51:12 - MUKANDA USANDU WA ZAMBI 1975

¹² Mikenu mbandeira ya kulimika ni yipanga ya Babilonia ya mawe; kolesenu tulayi; tongolenu tulayi; lulikenu kujikinyina. Mumu Yehova hanalulika, hanalingi chize ahanjikile ha kutwala kuli waze atwama mu Babilonia.

Mukanda Wa Zambi 1970

¹² Mikenu bendelo ni kulweza ngwo, butulenu kubuzula yipanga ya Babilone. Takamisenu tujita! Senu tufunga! Senu malunga ajikinyine!” Mwene Zambi halinga chize hamba kulinga kuli Ababilonia.

Jeremia 51:12 Iomraidhean Croise

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 11:12

Kumakamika mbandeira hali mavungu, kumakakungulula A-Izalele a kumbilambila, ni kukonga A-Yunda waze anamwangana ku mbango jiwana ja hashi.

Izaya 13:2

Mikenu mbandeira ha mulundu wa hululu, tambikenu kuli ayo ni tachi; lahulenu ni moko akanjile mu yikolo ya alemu.

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 50:2

Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Jeremia 50:25

Yehova hanazulula chisweko cha yikungo yenyi, hanachizamo yikungo ya ufwatulo wenyi. Mumu Mwene Yehova-wa-Tujita kali ni milimo yimwe kulinga mu chifuchi cha A-Kaletea.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 51:27

Mikenu mbandeira hashi, humunenu chitavwi hakachi ka mavungu, lulikenu mavungu akase nenyi jita. Sanyikenu mawanangana akalimike nenyi. Ararate, ni Mini, ni Akanase; tongolenu kasongo ka maswalale alimike nenyi; nehenu tuvwalu ngwe makumbi a tachi.

Jeremia 51:29

Chifuchi chinachikima nikulifwita ni yikola, mumu chize Yehova hanalulika kulimika ni Babilonia chinakolo, akapwise chifuchi cha Babilonia cha hululu ni akwa kutwamamo akuhi.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Nahume 2:1

Mukwa kupalwola heza kulimika ni yenu. Fungenu yipanga; layilenu ha tapalo; lijichikenu mu mazalilo; takamenu.

Yoshua 8:14

Muze mwanangana wa Ayi wachimwene, iye ni atu jenyi, malunga eswe a mu chihunda alipupwishile, yatuhuka akase jita ni A-Izalele kuma kuze kwa kutongola ku Arapa. Kanyingikine ngwenyi, Anangujikinyina kunyima ha chihunda.