Jeremia 50:9 - MUKANDA USANDU WA ZAMBI 1975

⁹ Mumu ngunavundula mbunga ya mavungu alemu a ku chifuchi cha ku Norte akalimike ni Babilonia. Kumakalilonga akase nenyi jita mba kwenako mamutambula. Mivu yo yapwa ngwe kajita kuwajama yoze kechi kuhiluka mokomoko.

Mukanda Wa Zambi 1970

⁹ Munguvundula mbunga ya mavungu a tachi a ku norde hanga ase jita ni Babilonia. Kumaalilonga mu jita ni kulimika ni akwa chifuchi ni kutambula che chifuchi. Kaali mayanga a mana, kaakwasa mivwi ni kutondekeza, kupiya ka.

Jeremia 50:9 Iomraidhean Croise

2 Samuel 1:22

Uta wa Jonatas kuwahilukile kunyima, chipwe ku manyinga a waze haashiha, chipwe ku maji a akwa ndundo. Katana ka Saulu kahilukile mokomoko.

Mwaso Ubema Wahiana 3:8

Eswe kanalipakata ni tutana, eswe akwa kujama mu jita. Mweswe kali ni katana kenyi ha kulu ha yuma ya kutungumuna ha ufuku.

Izaya 21:2

Usolwelo ukalu hangulweza; mukwa kupupa kanapupu; mukwa kwonwona kanonwona. Kandukenu, akwa Elame! Selekenu, akwa Media! Mikuma yeswe hatwisa mungumanununa.

Izaya 41:25

Navundwile umwe ku Norte mba haneza, ni ku Chivumbuko, mba masanyika ha jina liami. Kumakaliata mianangana ngwe ndambo, ngwe tengi kakuliata uma.

Jeremia 15:14

Mungukutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Jeremia 25:26

Ni mianangana eswe a ku Norte, kusuku ni hakamwihi, umwe ha umwe, ni mawanangana a muno-muze waze ali hashi. Mba muze o hanwa mwe mwanangana wa Babilonia kumanwa.

Jeremia 50:14

Lilongenu kweswe kwa kujingilika kulimika ni Babilonia, enu eswe akwa kunana mata. Mwasenu, wezenu mivu, mumu iye hanavulumuna Yehova.

Jeremia 50:21

Kandukenu nulimike ni chifuchi cha Merateme ni waze atwama mu Pekode. Shihenu, nukakuwise liakulu kunyima yo, nukalinge cheswe yami hinanutumina. Chocho kanambe Yehova.

Jeremia 50:26

Ku yifuchi yeswe, Swilenu kulimika nenyi; azululenu machila jenyi. Mulunjikenu ngwe milumba ya mbuto nukamwonwone liakulu; kanda kusala nichimwe cha iye.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Jeremia 50:3

Mumu ku Norte hikwakatuka limwe vungu hilieza kulimika nenyi. Kumakenyeka chifuchi chenyi; niumwe masalamo. Ni atu ni tushitu machinamo.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.