Jeremia 50:6 - MUKANDA USANDU WA ZAMBI 1975

⁶ Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Mukanda Wa Zambi 1970

⁶ “Atu jami kaali ngwe mapanga waze tufunga haatokesa ha milundu. Haanalihiji ngwe mapanga waze anakatuka ku mulundu umwe ni kuya ku mulundu ukwo. Haanavulama ku mahio.

Jeremia 50:6 Iomraidhean Croise

Miaso (Masamu) 116:7

Mbunge yami hiluka ku uhwimino we, mumu Yehova hanakwehe ya kulumbama.

Miaso (Masamu) 119:176

Hingunapiasuka ngwe panga yoze wa-jimbala. Ungufupe kama yami kavumbi ke, mumu chishi kuvulama shimbi je.

Miaso (Masamu) 23:2

Kakungupombesa muma mwa kelo; kakungutwala mu sesa lia meya a uhwimino.

Miaso (Masamu) 32:7

Yena uli chiswamo chami, mukangufunga ku lamba. Kumukangujingilika ni miaso ya kungupulula. (Litulike.)

Miaso (Masamu) 90:1

Mwene, yena kuwapwa chiswamo chetu ku yisemuko yeswe.

Miaso (Masamu) 91:1

Yoze watwama muma mwa kuswama mwa mwe Chitunda kumakatwama mu chihuhumuke cha Mukwa-Ndundo-Jeswe.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 30:15

Mumu Mwene Yehova, mwe Musandu wa Izalele, kanambe ngwenyi, Ha kuhiluka ni kuhwima, munukalilamwina; mu uhwimino ni Ufulielo mukukapwa tachi jenu. Alioze kunwatayile.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Izaya 53:6

Etu eswe hitunatoko ngwe mapanga. Hitunahambuluka mutu mu jila yenyi, mutu mu jila yenyi; alioze Yehova hanamutwika iye uhenge wa yetu eswe.

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 23:1

Yehova kanambe ngwenyi, Lamba kuli tufunga akwonwona ni kumwanga mapanga a kelo jami.

Jeremia 3:23

Pundu mindundena yinapu ya kutwonga ni mizumbu ya ha milundu. Pundu, ulamwino wa Izalele uli muli Yehova Zambi yetu.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 33:12

Yehova-wa-Tujita kanambe ngwenyi, Muno mwene munapu mwa hululu, kumushi atu chipwe yimuna, ni mu yihunda yamo yeswe, kumukukapwa mazuwo ja tufunga kanahwimisa yimuna jo.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:19

Munguhilwisa Izalele ku ulilo wenyi, mba kumakahia ha Karmela, ni mu Mbashane, ni kuzanga chenyi cheswe muchikayuka ha mindundena ya Eframe ni mu Ngiliate.

Ezekiel 13:10

Ha chikuma chino chene mumu hanongo atu jami ngwo, Sambukila, muze sambukila yakuhi; ni chikwo nawa, muze e atu matunga chipanga-cha-mawe wano aprofeta kakuchitomesa ni pemba.

Ezekiel 34:14

Mungukaalisa mu kelo jipema. Kelo jo mujikapwa ha milundu ya Izalele. Kwenako makapomba mu chifuchi chipema cha kelo; mu kelo ja maji makalia ha milundu ya Izalele.

Ezekiel 34:15

Yami mwene mungukapwa kafunga ka mapanga jami. Mungukaapombesa. Chocho kanambe Mwene Yehova.

Ezekiel 34:16

Mungukufupa waze anatoko; mungukuhilwisa waze hanajimbata; mungukajichika muya yilema; mungukakolesa akwa upekepeke; mungukonwona akwa maji ni akwa tachi, ni kwalisa ni ululi.

Mateu 10:6

alioze yenu Shinaho kuli mapanga a kutoka a ku zuwo lia Izalele.

Mateu 15:24

Iye wakumbulwile ngwenyi, Chatumiwine shina kuli mapanga a kutoka a ku zuwo lia Izalele.

Mateu 9:36

Alioze muze amwene mbunga, waavwilile keke, mumu alikatalishile nikulimbilambila ngwe mapanga waze keshi kafunga.

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.