Jeremia 50:5 - MUKANDA USANDU WA ZAMBI 1975

⁵ Makahula jila ya kuya ku Zaione ni meso jo a kutalikisako ngwo, Tatuyenu tulinunge ni Yehova ni usendo wa mutolo uze kechi kahasa kuvulama.

Mukanda Wa Zambi 1970

⁵ Kumaakahula jila ya Zione mba maakatalikisa ku kanda yize. Maakakolesa Usendo wa miaka yeswe ni yami, keechi kaushiha nawa nichimwe.

Jeremia 50:5 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

2 Samuel 23:5

Chamwenemwene munyachi wami kuwapwile chocho ni Zambi, hindu hanakolesa ni yami usendo wa mutolo, wa kululika mu yuma yeswe, wakola. Wenawo wapwa ulamwino wami weswe ni kuzanga chami cheswe, chipwe kausokeseleko.

1 Yitanga Ya Mianangana 19:10

Aye ngwenyi, Nguli ni mbunge ya kuzanga wika Yehova Zambi-ya-Tujita. Alioze A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala. Mba kanafupu kungutambula mwono wami.

1 Yitanga Ya Mianangana 19:14

Aye yamba ngwenyi, Nguli ni mbunge ya kuzanga wika Yehova Zambi-ya-Tujita, mumu A-Izalele hehuka usendo we, hanunguna yilumbilo ye, hashiha aprofeta je ni katana. Yami wika ukawami nasala mba kanafupu kungutambula mwono wami.

Miaso (Masamu) 84:7

Kakuya chize ku tachi ndo ku tachi. Eswe lukombo kakusoloka kumeso ja Zambi mu Zaione.

Izaya 35:8

Kumukukapwa tapalo, jina lialio Tapalo Lisandu. Akwa luchisa kechi kapalikako ni akwa kupalikako kechi kapiasuka, chipwe mapwa yihepuke.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 31:21

Liselenu tema jikenu yinyingi ya jila hali yenwene; nyongenu kanawa Chikoka, tapalo lize nwayilile. Hiluka *virgem Izalele! Hiluka ku yihunda ye yino.

Jeremia 31:6

Mumu tangwa muliza muze tulayi masanyika mu chifuchi cha Eframe ku milundu ngwo, Katukenu tuye ku Zaione kuli Yehova Zambi yetu.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Jeremia 6:16

Yehova kanambe ngwenyi, Manenu ku sesa lia matapalo nutale, nukahule majila a ku shakulu, kukuli jila yipema nwendemo, nukawane uhwimino ha mbunge jenu. Alioze o ambile ngwo, Kutuchi kwendamo.

Ezekiel 16:61

Mba muwiwuluka ndako je, muwivwa sonyi muze mungwanda yayenu ni mwanakwenu nikukwaho akapwe kuli yena ana je a mapwo, alioze hi ha usendo we ko.

Ezekiel 37:22

Mba mungukaapwisa vungu limuwika mu chifuchi ha milundu ya Izalele; mwanangana umuwika makaayula eswe; kechi kapwa nawa mavungu aali, ni kulihandununa mu mawanangana aali.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

2 Korintu 8:5

Kachilingile ngwe twanyongene, alioze aliangile kuliecha ene kuli Mwene, mba kuli yetu nawa ku upale wa Zambi.