Jeremia 50:4 - MUKANDA USANDU WA ZAMBI 1975

⁴ Yehova kanambe ngwenyi, Ha matangwa aze ni ha mwaka uze A-Izalele ni A-Yunda meza hamuwika, nikulila shimbu machenda. Kumakafupa Yehova Zambi yo.

Mukanda Wa Zambi 1970

⁴ Mwene Zambi kanambe ngwenyi: “Muze tangwa lize hiliaheta, Aisraele ni Ayuda kumaakeza ni kulila, nikungufupa, yami Zambi yo.

Jeremia 50:4 Iomraidhean Croise

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Miaso (Masamu) 105:4

Fupenu Yehova ni tachi jenyi. Fupenu meso jenyi matangwa eswe.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 45:19

Chahanjikile ku tenga, mu chifuchi chimwe cha milima. Chambile kuli ana ja Yakomba ngwami, Ngufupenu homa ha hululu. Yami Yehova nakuhanjika umwenemwene, nakwambulula chize chinalite.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Izaya 63:4

Mumu tangwa lia kufwetesa liapwile mu mbunge yami, mwaka wami wa kukula hiwaheta.

Jeremia 31:31

Yehova kanambe ngwenyi, Matangwa kaneza muze mungukolesa usendo waha ni akwa munyachi wa Izalele ni akwa munyachi wa Yunda.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Jeremia 41:6

Ishemali mwana Netania yatuhuka mu Mizepa akaapatwize nikulila shimbu machiya. Ha kutakana no yamba ngwenyi, Njilenu kuli Gedalia mwana Ahikame.

Ezekiel 16:61

Mba muwiwuluka ndako je, muwivwa sonyi muze mungwanda yayenu ni mwanakwenu nikukwaho akapwe kuli yena ana je a mapwo, alioze hi ha usendo we ko.

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 11:10

O kumakakaula Yehova, mba iye makateta ngwe ndumba. Ewa makateta mba anenyi-a-malunga meza nikuchikima ni kukatuka ku Chitokelo.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Tiangu (Jake) 4:9

Lungajalenu, nenganyanenu, lilenu: kuseha chenu chialumuke kunenganyana, ni uwahililo wenu ualumuke kuhonga ku meso.