Jeremia 50:3 - MUKANDA USANDU WA ZAMBI 1975

³ Mumu ku Norte hikwakatuka limwe vungu hilieza kulimika nenyi. Kumakenyeka chifuchi chenyi; niumwe masalamo. Ni atu ni tushitu machinamo.

Mukanda Wa Zambi 1970

³ “Limwe vungu lia ku norde kumeeza ni kwasa jita ni Babilonia kumaalipwisa puya. Atu ni tushitu kumaachina, niumwe kechi kutwama ko.”

Jeremia 50:3 Iomraidhean Croise

Ubutukilo 6:7

Kashika Yehova yamba ngwenyi, Atu ano natangile mungwanongesa hashi; ni atu, ni tushitu, ni tututu, ni tujila a mu tetela, mumu hichangukonyekesa chize naatangile.

Kutuhuka 12:12

Mumu te ha ufuku mungupalika ndusu chifuchi cha Engitu, mungulamba e tupula-majimo eswe mu chifuchi cha Engitu, ni kuli atu, ni kuli tushitu. Mungupatwila tuzambi tweswe twa Engitu. Yami Yehova.

Izaya 41:25

Navundwile umwe ku Norte mba haneza, ni ku Chivumbuko, mba masanyika ha jina liami. Kumakaliata mianangana ngwe ndambo, ngwe tengi kakuliata uma.

Izaya 45:1

Yami Yehova ngunambe kuli Siru yoze nawayishile ni maji, ngwami, nakwachile ku kwoko lienyi lia chindume hanga akapokwese mavungu kumeso jenyi, akajitule miya ya mianangana, akazulule mapito kumeso jenyi hanga kechi kahasa kwajilako.

Jeremia 21:6

Mungulamba akwa chihunda chino, ni atu ni tushitu, kumafwa ni chilungo chinene.

Jeremia 50:9

Mumu ngunavundula mbunga ya mavungu alemu a ku chifuchi cha ku Norte akalimike ni Babilonia. Kumakalilonga akase nenyi jita mba kwenako mamutambula. Mivu yo yapwa ngwe kajita kuwajama yoze kechi kuhiluka mokomoko.

Jeremia 51:11

Kalulenu mivu! Andenu kepwe! Yehova hanavundula Spiritu ya mianangana ja A-Media, mumu ha kutwala ku Babilonia upale wenyi wapwa wa kuyonwona mumu chenacho che kukala cha Yehova, kukalila tembele yenyi.

Jeremia 51:48

Mba malilu ni hashi, ni yize yeswe yilimo memba ni uwahililo hali Babilonia, mumu yonwonyi makatuka ku Norte kulimika no. Chocho kanambe Yehova.

Jeremia 51:62

ukambe ngwe, Yena Yehova hiwamba ha kutwala ku chifuchi chino ngwe, Munguchitetaho hanga nichimwe muchikatwamamo nawa, chipwe atu, chipwe tushitu, chikapwe cha hululu ndo ku miaka.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Zefania 1:3

Mungukakomba atu ni tushitu. Mungukakomba tujila a mu tetela, ni yishi a mu kalunga-lwiji, ni yitalingiso, ni yingulungulu. Mungukasutula e atu lume hashi. Chocho kanambe Yehova.