Jeremia 50:2 - MUKANDA USANDU WA ZAMBI 1975

² Amba ku mavungu nikukololoka; mika mbandeira nikukololoka; kanda uchisweka, amba ngwe, Babilonia hanayitambula, Mbele hanamukolesa sonyi, Merodach kanatatajala. Tuponya twenyi hanaakolesa sonyi, mahamba jenyi kanatatajala.

Mukanda Wa Zambi 1970

² “Alweze akwa vungu sango jaha! Jambujole! Lweza chinyingi, wambujole sango! Kanda ujisweka! Babilone halimbuka! Marduke zambi yenyi kanatatajala! Mahamba ja Babilone heevwa sonyi, tuponya twenyi haawonda!

Jeremia 50:2 Iomraidhean Croise

Miaso (Masamu) 64:9

Atu eswe mevwa woma; makambulula chitanga cha Zambi; makanyonga ni mana yuma yize alinga.

Miaso (Masamu) 96:3

Lumbununenu ulemu wenyi hakachi ka mavungu. Lumbununenu yitanga yenyi ya kukomwesa hakachi ka minyachi yeswe.

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Izaya 12:4

Mba mukamba ha tangwa lize ngwe, Sakwililenu Yehova, vulukenu jina lienyi; fumanyisenu yitanga yenyi hakachi ka mavungu; ambujolenu ngwenu, Jina lienyi hanangama.

Izaya 13:2

Mikenu mbandeira ha mulundu wa hululu, tambikenu kuli ayo ni tachi; lahulenu ni moko akanjile mu yikolo ya alemu.

Izaya 21:9

Kumanyi akwa tuvwalu, aali ha aali. Mba yakumbulula ngwenyi, Babilonia hanunguka, hanunguka! Ni tuponya twa mazambi jamo hanapalwola hashi.

Izaya 37:19

Hambila mazambi jo mu kahia, mumu o hi mazambi ko. O apwile a kutunga ni moko ja atu, a mitondo ni mawe, kashika haonwona.

Izaya 39:1

Ha mwaka uze Merodake-Baladane mwana Baladane mwanangana wa Babilonia yatuma mikanda ni yawana kuli Hezekia, mumu te hevwa ha kuyiza chenyi ni chize hahinduka.

Izaya 46:1

Mbele kanafukama, Nebo kanahetama. Tuponya two hali tushitu ni yimuna ali; yuma nunambata ya kutwika ngwe yiteli hali tushitu a yikatalo.

Izaya 48:20

Katukenu ku Babilonia! Chinenu Kaletea! Ambululenu chino ni liji lia kulikwiza, chivwisenu! Tumenu liji lino ndo ku songo lia hashi. Ambenu ngwenu, Yehova hakula kavumbi kenyi Yakomba.

Izaya 48:6

Hinwevwa, haliapwila talenu yino yeswe. Kunuchi kuchambulula nyi? Chize ku tangwa lino mungukanuvwisa yuma yaha, yuma ya kuhengeka yize kanda nuyinyingika.

Jeremia 10:11

Muwamba kuli ayo ngwe, Mazambi aze katangile malilu ni hashi kumakanonga ni hashi ni mushi lia malilu.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 31:10

Enu mavungu, panjikenu liji lia Yehova nukaliambulule ku yifuchi ya mbaka kusuku. Ambenu ngwenu, Yoze wamwangine Izalele kumakamukonga nawa ni kumufunga ngwe kafunga kakuhinga mapanga jenyi.

Jeremia 4:16

Towezenu mavungu, kaneza; lumbununenu kuli A-Yerusaleme ngwenu, Akwa kuseleka kanakatuka ku chifuchi kusuku kanakalumioka kulimika ni yihunda ya Yunda.

Jeremia 4:6

Zundulenu mbandeira kutalikisa ku Zaione; chinenu ha ulamwino, kanda nulaluka, mumu ngunaneha chipi cha ku Norte, kwonwona chinene.

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?

Jeremia 50:46

Ha Chizungozungo cha kufwa cha Babilonia hashi muhanyika, ni liji lia muteto wenyi malivwa hakachi ka mavungu.

Jeremia 51:12

Mikenu mbandeira ya kulimika ni yipanga ya Babilonia ya mawe; kolesenu tulayi; tongolenu tulayi; lulikenu kujikinyina. Mumu Yehova hanalulika, hanalingi chize ahanjikile ha kutwala kuli waze atwama mu Babilonia.

Jeremia 51:27

Mikenu mbandeira hashi, humunenu chitavwi hakachi ka mavungu, lulikenu mavungu akase nenyi jita. Sanyikenu mawanangana akalimike nenyi. Ararate, ni Mini, ni Akanase; tongolenu kasongo ka maswalale alimike nenyi; nehenu tuvwalu ngwe makumbi a tachi.

Jeremia 51:31

Mukeji umwe kanazomboka kutakana ni mukwo, ni kanganda umwe akatakane ni mukwo, akalweze mwanangana wa Babilonia chihunda chenyi hanachitambula sali ni sali.

Jeremia 51:44

Mbele mu Babilonia mungumwaha kastigu. Mungumuchiza mu kanwa chize hamina. Mavungu keshi kuya kuli iye nawa ngwe lwiji; chipanga cha Babilonia cha mawe hichapuzuka.

Jeremia 51:47

Talenu kashika, matangwa kaneza muze mungulamba tuponya twa mu Babilonia. Chifuchi cheswe munguchikolesa sonyi, ni waze maashiha malimbuka muli iye.

Jeremia 51:52

Kashika Yehova kanambe ngwenyi, Matangwa kaneza muze mungulinga upatwilo wami ha tuponya twenyi, ni ndusu mu chifuchi chenyi cheswe waze haatwila mbandu matwa mikuma.

Jeremia 51:8

Susumuku Babilonia haholoka, hanafu; mulililenu mbimbi! Andenu yitumbo ha yikola yenyi, hanji muyimuwuka.

Jeremia 52:31

Ha mwaka makumi atatu ni wamuchishimbiali wa ufunge wa Jehoachine mwanangana wa Yunda, ha kakweji kumi ni wamuchiali, ha tangwa makumi aali ni liamuchitano lia kakweji, Evile-Merodake mwanangana wa Babilonia, ha mwaka uze amupwishile mwanangana, iye wazundwile mutwe wa Jehoachine mwanangana wa Yunda, wamuchijile mu zuwo lia ususu.

Jeremia 6:18

Kashika, enu mavungu ivwenu, ni yenu akwa chikungulwila nyingikenu chize muchiawana.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 3:14

Nabukanezore yamba kuli ayo ngwenyi, Enu Shadrake, ni Meshake, ni Abedenego, chamwenemwene enu kunushi kulingila mazambi jami, chipwe kuwayila kaponya ka oru yono hinamika?

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.