Jeremia 50:18 - MUKANDA USANDU WA ZAMBI 1975

¹⁸ Kashika Yehova-wa-Tujita, Zambi ya Izalele kanambe ngwenyi, Ngunakokela kastigu hali mwanangana wa Babilonia ni chifuchi chenyi chizechene ngwe nahanyine kastigu kuli mwanangana wa Asuria.

Mukanda Wa Zambi 1970

¹⁸ Ha chino, yami Mwene Zambi Mukwa Ndundo Jeswe, Zambi ya Israele, mungumwesa lamba mwanangana Nebukanezore ni che chifuchi chenyi, ngwe chize namwesene lamba mwanangana wa Asuria.

Jeremia 50:18 Iomraidhean Croise

Izaya 10:12

Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Nahume 3:18

Mwanangana wa Asuria, tufunga twe mu tulo ali; alemu je kananongwoka. Atu je hanamwangana ha milundu ni akwa kwakunga akuhi.

Nahume 3:7

Waze eswe makumona makususukila ngwo, Ninive hanamwenyeka, iya mamulila? Kulihi mungumufupila akwa kumulembejeka?

Habakuke 2:8

Mumu yena hiwapupa mavungu anji, kashika waze analisalaho ku mavungu kumakakupupa, mumu ha manyinga ja atu ni upupilo wa hashi, ku yihunda ni waze eswe atwamamo.

Shimbi 32:41

Nyi munguhela katana kami ka uhenya nikukwata ku upatwilo, kumungulikala hali akwa kulimika ni yami mungufweta waze akunguvwila kole.