Jeremia 5:9 - MUKANDA USANDU WA ZAMBI 1975

⁹ Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe liapwa ngwe lino nyi?

Mukanda Wa Zambi 1970

⁹ Ngwe kuchi mungwecha kwamwesa lamba ha yuma yino ni kukala milonga yibwahaha ya vungu lino?

Jeremia 5:9 Iomraidhean Croise

Yishima 6:29

Chocho yoze manjila kuli pwo lia mukwo. Mweswawo makwata pwo lia mukwo kechi kusamba.

Izaya 1:24

Kashika Mwene kanambe, mwe Yehova-wa-Tujita, mwe Mukwa-Ndundo wa Izalele ngwenyi, Munguzukwila ufwatulo hali akwa kole jami; mungufwetesa akwa kulimika ni yami.

Izaya 57:6

Hakachi ka mawe asenena mu mungulunga mwatwama chihinga chenu. O ene anapu chihanda chenu, kuli ayo nwakuzujila mulambu wa kunwa; kuli ayo nwakuneha mulambu wa wunga. Yenayo muyihasa kungutomesa mbunge?

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 32:31

Chihunda chino hichanguvundula ku utenu ni ufwatulo chize ku tangwa lize achitungile ndo musono, kashika munguchichiza kumeso jami

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 5:29

Kashika Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe Hapwa ngwe lino nyi?

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Jeremia 9:8

Limi lio liapwa mwivu wa kufwa nikuhanjika kwonga. Mutu mweswe ni kanwa lienyi kakuhanjika sambukila kuli mukwo, alioze mu mbunge yenyi kakutaka kumujikinyina.

Jeremia 9:9

Yehova kanambe ngwenyi, Te chichi kwaaha kastigu mumu ha yino yuma? Chichi kukala milonga ha vungu limwe liapwa ngwe lino nyi?

Lungungu 3:42

Hitwavulumuna, hitwakolema, ni yena kwatukonekenene.

Lungungu 4:22

Ena mwana-pwo Zaione kastigu ya uhenge we hiyahwa; kechi kukutwamisa nawa mu unjize. Alioze yena mwana-pwo Endome kumakakwaha kastigu, kumakafukula milonga ye.

Ezekiel 7:9

Mumu liso liami kulichi kanuvwila vumbi; chichi kanuvwila keke. Mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova, mukwa kulamba.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Alevi 18:25

Chocho chifuchi hachichisa mba hinaalambila uhenge wacho. Chifuchi hichasaza waze atwamamo.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Nahume 1:2

Yehova iye Zambi ya ukwa, mukwa kukala milonga. Yehova mukwa kukala milonga ni ufwatulo. Yehova kakufwetesa akwa kulimika nenyi; akwa kole jenyi kakwatulikila ufwatulo wenyi.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Shimbi 32:43

Enu mavungu, halisenu atu jenyi, mumu hafwetesa manyinga a tuvumbi twenyi. Yalikala hali akwa kulimika nenyi. Hapemesa chifuchi cha atu jenyi.