Jeremia 5:7 - MUKANDA USANDU WA ZAMBI 1975

⁷ Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Mukanda Wa Zambi 1970

⁷ Mwene Zambi kanahula ngwenyi: “Mumu yika Changutamba kukonekena atu jami milonga yo? Haanangwehuka, haanalishingi ni waze hi mazambi ko. Nalishile atu jami ndoo ni chize haakuta, alioze yaalingalinga utanji, nikuhwisa matangwa jo ni yitanji.

Jeremia 5:7 Iomraidhean Croise

2 Sango Ja Mianangana 13:9

Ngwami, Hinwahuma asasendote a Yehova ana ja Arone, ni A-Levi. Hinwalilingila asasendote nikulita ni ndako ja atu a yifuchi yikwo. Mweswawo meza ni chimbembe wa kuji ni kuji a mapanga shimbiali akalitumbikile, mahasa kupwa sasendote ya waze hi mazambi ko.

Jobe 31:12

muupwa kahia kakulalisa ndo ku Apandone, nikuwemena ndo ku chikota cha upite wami weswe.

Miaso (Masamu) 50:18

Muze wamwene mwiji wawahililile hamwe nenyi. Walifutwile hamwe ni yitanji.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 16:11

Mba muwamba kuli ayo ngwe, Yehova kanambe ngwenyi, Mumu tulamba twenu hanangwehuka, hanakaula mazambi eka nikwalingila nikwawayila, hanangwehuka; kafungile shimbi yami.

Jeremia 16:20

Te mutu mahasa kulilingila mazambi? Wano hi mazambi ko!

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 23:10

Mumu chifuchi hichazala ni yitanji. Mumu chifuchi chinalinyenge ha mukunda wa shingo; kelo ja ku puya hijoma. Jila yo yipi; ngolo jo kujalulamine.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Lungungu 3:42

Hitwavulumuna, hitwakolema, ni yena kwatukonekenene.

Ezekiel 22:11

Umwe kukulumbula pwo lia mwenyembo wenyi, mukwo ni usolo mapihisa tembwa-mwanenyi, mukwo malumbula ndumbwenyi yoze wa kusemuka kuli tato.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 7:4

O kapwa eswe akwa utanji. Kapwa ngwe jiko lia kahia, mukwa kulinga mbolo kechi kulisosela nawa ndo maweza futunwiso ku mbolo yize hachika kulu.

Alevi 20:10

Nyi umwe lunga malinga utanji ni pwo lia mukwo, eswe ni aali, lunga ni pwo, akaashihe.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

Galashia 4:8

Alioze ha miaka yize se kunwanyingikine Zambi, nwapwile mu undungo kuli waze ku chisemewa hi mazambi ko.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Shimbi 32:21

Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.

Hebreu 13:4

Umbachiso akaulemese kuli eswe, ni muhela kanda akausela ku luchisa: mumu mapangala ni yitanji Zambi kumakaapatwila.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.