Jeremia 5:6 - MUKANDA USANDU WA ZAMBI 1975

⁶ Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Mukanda Wa Zambi 1970

⁶ Kashika maakaashiha kuli tambwe a mu usaki, kumaakaapapujola kuli tungunga a mu puya, kolwama kumaakaajikinyina mu yihunda yo. Atu wano, nyi atuhwoka, kumaakaapapujola yihanda yihanda, mumu milonga yo hiyoka, yisuho yinji haanehuka Zambi.

Jeremia 5:6 Iomraidhean Croise

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Ezra 10:10

Henaho sasendote Ezera yamana kwilu, yamba kuli ayo ngwenyi, Hinwavulumuna, hinwambata mapwo yilambala nwokese uhie wa Izalele.

Ezra 9:6

Yingwamba ngwami, Zambi yami, ngunevu kú, ni mutwe yipu! Sonyi ngunevu kuhetula meso jami kuli yena Zambi yami. Mumu uhenge wetu hiwalumbama helu lia mitwe yetu, ni uhie wetu hiwaliwezela ndo ku malelwa.

Jobe 10:16

Nyi munguhetuka mukanguhanga ngwe ndumba, nikulinga nawa yikomokeso hali yami,

Miaso (Masamu) 104:20

Wakulinga milima mba hikwapwa ufuku muze tushitu eswe a mu musenge akutuhuka nikuliomba.

Miaso (Masamu) 80:13

Chombo wa mu musenge kakuchiwonda. Ngongo eswe a mu chana anachili.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 59:12

Mumu Utanguko wetu hiwoka kumeso je; milonga yetu kuyakutushindakenya. Utanguko wetu watwama hamwe ni yetu; tunanyingika uhenge wetu.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 2:15

Ndumba hanatete hali iye, hanatete ni tachi. Hanahichika chifuchi chenyi ngwe puya, yihunda yenyi yinapuzuka, kuyishi atu.

Jeremia 2:17

Yena mwene walikokela chuma chino ha kwehuka Yehova Zambi ye shimbu te makusongwela mu jila.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 25:38

Hakatuka ku chiswamino chenyi ngwe ndumba. Chifuchi cho hichalumuka cha hululu mumu ha katana wa Yehova, ni ha utenu wenyi usasu.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 30:15

Kuchi te wakulitetela ha yikola ye? Yikola ye kuyishi yitumbo. Hinakulinga yuma yino mumu uhie we unene, milonga ye kumeso ja atu eswe.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Jeremia 8:7

Chipwe chitwanjimbu mu malilu kananyingika tungonde twenyi; ni katele, ni kapiasa, ni chitokola kakufunga kakweji wo wa kuheta. Alioze atu jami kanyingikine upatwilo wa Yehova.

Lungungu 1:5

Akwa kulimika nenyi hanapu kulutwe; akwa kole jenyi kanawaha ha milimo yo, mumu Yehova hamuvwisa yikola, ha mukunda wa kulumbama cha milonga yenyi. Anenyi hanayi funge kumeso ja akwa kulimika.

Ezekiel 16:25

Ku songo ha tapalo heswe watungile zuwo lie lisuku nikulanjisa upeme we, ni kulihana kuli mweswe mapalika, ni kwokesa ukoi we.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Ezekiel 23:19

Hindu yaweza ku ukoi wenyi nikwiwuluka matangwa ja wana-mapwo wenyi muze machilingalinga ukoi mu chifuchi cha Engitu.

Daniel 7:4

Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu.

Daniel 7:6

Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Habakuke 1:8

Tuvwalu two kanatambuka kuhiana yangwi; kanatenuka kuhiana tungunga a ha chingoloshi; akwa tuvwalu kanahange ni kulengumuka. Ewa akwa tuvwalu kusuku anakatuka; kanahumuka ngwe pupa kakutambuka kwenyeka.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Kwalula 32:14

Kumanyi! Enu nunakatuka ni kusalakana atatenu, munyachi wa yivulumunyi, mukwokesa utenu usasu wa Yehova hali A-Izalele!

Usolwelo 13:2

Ni ngongo yoze namumwene walifwile ni kangwili, ni makata jenyi ngwe makata ja ursu: ni kanwa lienyi ngwe kanwa lia ndumba: ni ndragau wamuhele tachi jenyi, ni ngunja yenyi, ni poko yenyi yinene.