Jeremia 5:5 - MUKANDA USANDU WA ZAMBI 1975

⁵ Munguya kuli anene, munguhanjika no, mumu o kananyingika jila ya Yehova, shimbi ya Zambi yo. Alioze eswe hanamakuna kanga chimuwika, eswe te hanapulu mihipu.

Mukanda Wa Zambi 1970

⁵ Munguya kuli akwa kuyula, ni kuhanjeka no. Kota kaananyingika jila ya Zambi yo, ni Shimbi jenyi.” Alioze ayo eswe haanalitunu chiyulo cha Mwene Zambi, kaasolo kumwononokena.

Jeremia 5:5 Iomraidhean Croise

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Kutuhuka 32:25

Muze Mose amwene atu halifukula (mumu Arone te haatayiza kulifukula akaambwatule kuli akwa kole jo),

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 8:7

Chipwe chitwanjimbu mu malilu kananyingika tungonde twenyi; ni katele, ni kapiasa, ni chitokola kakufunga kakweji wo wa kuheta. Alioze atu jami kanyingikine upatwilo wa Yehova.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Ezekiel 11:2

Aye yamba kuli yami ngwenyi, Mwana mutu, wano e malunga akutaka uhenge, nikuhana yiyulo yipi mu chihunda chino.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Luka 18:24

Muze Yesu amwene ngwe wevwile chinyengo chinji, wambile ngwenyi, Chikalu chikolo hali waze akwete upite kunjila mu wanangana wa Zambi.

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.