Jeremia 5:4 - MUKANDA USANDU WA ZAMBI 1975

⁴ Yingwamba ngwami, Wano yiswale wika, keshi mana, mumu kanyingikine jila ya Yehova, shimbi ya Zambi yo.

Mukanda Wa Zambi 1970

⁴ Mba yingunyonga ngwami: “Wano kaali lume yiswale, keeshi mana. Kaali kwo yihepuke, kaanyingikine jila ya Zambi yo, ni Shimbi jenyi.

Jeremia 5:4 Iomraidhean Croise

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Izaya 29:12

Mba muze mauhana kuli mukwo yoze kanyingikine kutanga ngwo, Tanga, aye mamba ngwenvi, Chanyingikine kutanga.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 7:8

Mokomoko nunafuliela maliji a kwonga.

Jeremia 8:7

Chipwe chitwanjimbu mu malilu kananyingika tungonde twenyi; ni katele, ni kapiasa, ni chitokola kakufunga kakweji wo wa kuheta. Alioze atu jami kanyingikine upatwilo wa Yehova.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.