Jeremia 5:31 - MUKANDA USANDU WA ZAMBI 1975

³¹ Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Mukanda Wa Zambi 1970

³¹ akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Jeremia 5:31 Iomraidhean Croise

1 Yitanga Ya Mianangana 22:6

Chocho mwanangana wa Izalele yakungulula aprofeta hamuwika, ngwe kulakaji awana a malunga, yamba kuli ayo ngwenyi, Nguye mukwasa jita ni Ramote-Ngiliate nyi ka? O ngwo, Yénu, mumu Mwene machikunjika mu kwoko lia mwanangana.

Yishima 17:4

Chihenge kakupanjika ku mivumbo ya ungulungulu; mukwa mahuza kakupanjika ku limi lia chihuki.

Izaya 10:3

Yika munulinga ha tangwa lia kunufwetesacho, mu kangonga yoze makatuka kusuku? Kuli iya munuchinyina amukwase? Kulihi munuhichika upite wenu?

Izaya 20:6

Akwa mbaka yino mamba ha tangwa lize ngwo, Kumanyi chocho chapwa kuli waze twafulielele ni waze twachinyinyine kuli ayo atukwase ni kutupulula kuli mwanangana wa Asuria! Mba yetu kuchi mutupuluka?

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Izaya 43:27

Kalamba kenu mutangu wavulumwine, ni mahako jenu atangwile shimbi jami.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 26:7

Asasendote ni aprofeta ni atu eswe evwile Jeremia nikuhanjika maliji ano mu zuwo lia Yehova.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Lungungu 4:18

Malunga atukawile mwe mu ngano, chocho chipwe mu matapalo jetu kutwa-hashile kwenda. Songo lietu liakundamine; matangwa jetu ahwile mumu hitwaheta ku songo.

Ezekiel 13:10

Ha chikuma chino chene mumu hanongo atu jami ngwo, Sambukila, muze sambukila yakuhi; ni chikwo nawa, muze e atu matunga chipanga-cha-mawe wano aprofeta kakuchitomesa ni pemba.

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Ezekiel 22:14

Hamu lienu mulihasa kulinduluka, hanji moko jenu mahasa kujikiza ha matangwa aze muze mungusopa ni yenu? Yami Yehova hinachamba, mba mungukachilinga.

Hosea 4:9

Mba muchikapwa cheswacho mapwa atu ni asasendote nawa chocho mapwa. Alioze mungwaaha kastigu mumu ha ndako jo, mungwafwetesa ha yitanga yo.

Hosea 6:10

Mu munyachi wa Izalele hinamona chuma cha lwaji. Ukoi wa Eframe ulimo. Izalele halipihisa.

Hosea 9:5

Yika munulinga ha tangwa lia chiwanyino cha kufunjika, ha tangwa lia chiwanyino cha Yehova?

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Mika 2:6

Kakwamba ngwo, Kanda nwambulula! Kuchatambile kwambulula yino yuma; mumu kusauka kuchichi katuwana.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Zefania 3:4

Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Shimbi 32:20

Yamba ngwenyi, Mungwaswekela meso jami nguchitale chize muchipwa songo lio. Mumu o kapwa chisemuko chapiya ana keshi mbunge.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.