Jeremia 5:3 - MUKANDA USANDU WA ZAMBI 1975

³ Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Mukanda Wa Zambi 1970

³ Mwene Zambi kakufupa umwenemwene. Hananulambe, hindu kunwakanyamine; hanuwonda, hindu kunusolo kulilongesa. Nwabwile akwa pami, te kunusolo kwecha shili yenu.

Jeremia 5:3 Iomraidhean Croise

Ubutukilo 19:34

Mba mu kucha mukulwana yamba kuli kanuke ngwenyi, Tala, napombanga ni tata. Tumunwise vinyu musono nawa, mba njila yena ukapombe nenyi, hanga tukafunge munyachi wa tata.

1 Yitanga Ya Mianangana 13:33

Hindu kulutwe lia chuma chino Jeroboame kakatukile mu jila yenyi yipi. Alioze cheka nawa watambwile atu eswo nikwatenga asasendote a manangamo. Mweswawo wachizangile wamuselelecho hanga akapwe ni asasendote a ha manangamo.

1 MIANANGANA 1:13

Cheka nawa yatuma kapitau kamuchitatu ka makumi atano ni makumi jenyi atano. Mba kapitau kamuchitatu ka makumi atano yaya, yakundama, yazondama ha makungunwa jenyi kumeso ja Eliya nikumulembelela ngwenyi, Mutu wa Zambi, ngunalembe, mwono wami ni mwono wa wano makumi atano a tuvumbi twe upwe ulemu kumeso je.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

Miaso (Masamu) 51:6

Pundu yena wakuzanga umwenemwene mu michima. Mukangulongesa mana muze mwahengama.

Miaso (Masamu) 51:8

Nguvwise kama chiseke ni uwahililo, hanga yifwaha yize wamakwine yikawahe.

Miaso (Masamu) 55:20

Hazoza moko jenyi kulimika ni waze atwamine nenyi ni sambukila. Hajilula usendo wenyi.

Yishima 21:29

Chingulungulu kakukalisa meso jenyi; alioze mukwa ululi kakululikisa ndako jenyi jeswe.

Yishima 22:12

Meso ja Yehova kakutunga mukwa yinyingi; alioze kakununguna maliji a mukwa mafwefwe.

Yishima 23:35

Muamba ngwe, Hangulamba alioze cha-lemanyine; hangufufula alioze chachivwile. Tangwa lika mungulaula? Munguyifupa cheka nawa.

Yishima 27:22

Chipwe musohola chihepuke mu chinu ni mwishi hamwe ni mbuto ya kutwa hindu uhepuke wenyi kuuchi kamukatuka.

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 48:4

Se ngunanyingika nuli akwa pami, kota jenu japwa ngwe mujipwa wa utale, ni mahuma jenu ngwe unengu,

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 15:7

Hinaafuza ni chikungo cha kufuza nacho mwe mu yikolo ya chifuchi. Hinaashiha atu jo, hinonwona atu jami, kakatukile ku ndako jo.

Jeremia 17:23

Hindu kapanjikile chipwe kutela matwi, alioze akalishile makota jo, kuchina mevwa akaafumbule.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 3:3

Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Jeremia 32:19

Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Jeremia 35:13

Yehova-wa-Tujita, Zambi ya Izalele kanambe ngwenyi, Yako ukambe kuli malunga ja Yunda ni akwa Yerusaleme ngwe, Yehova kanambe ngwenyi, Kunuchi katambula longeso nukevwe maliji jami?

Jeremia 44:10

Kalikehesele ndo ku tangwa lino lia musono, chipwe kwivwa woma, chipwe kwenda nikulita ni shimbi jami hanji yiyulo yami yize nasele kumeso jenu ni kumeso ja tulamba twenu.

Jeremia 7:26

hindu kapanjikile kuli yami, chipwe kutela matwi, alioze akalishile makota jo nikuhiana tulamba two kulinga chipi.

Jeremia 7:28

Muwamba kuli ayo ngwe, Wano e atu kononokene ku liji lia Yehova Zambi yo, katambwile lufumbo; umwenemwene hiwatoka, hauteta ku mivumbo yo.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Ezekiel 2:4

Atu wano kapwa akwa shino, akwa pami. Ngunakutumu kuli ayo ukambe kuli ayo ngwe, Mwene Yehova kanambe ngwenyi,

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Daniel 9:13

Kuji-ni-tomo lino hilieza hali yetu nikulita ni chize chinasonewa mu shimbi ja Mose, hindu kutwalembelele vumbi lia Yehova Zambi yetu, ni kuhichika uhenge wetu, nikusa mbunge jetu ku umwenemwene we.

Alevi 26:23

Nyi hindu chipwe ni lufumbo yono kunuchi kutewulukila kuli yami, alioze munwenda nikulimika ni yami,

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Amose 4:6

Nanuhele makanwa ja zala mu yihunda yenu yeswe, ni kuhona cha mbolo mweswe mu chifuchi chenu, hindu kunwahilukile kuli yami. Chocho kanambe Yehova.

Amose 4:8

Akwa yihunda yiali yitatu endele ku chihunda chimuwika akanwe meya hindu pwila kuyahwile. Hindu kunwahilukile kuli yami. Chocho kanambe Yehova.

Amose 4:9

Nanulambile ni makonya ni mbundu; napwishile manaka jenu ni minda yenu ya uva ya hululu; mikuyu yenu ni miolevwe yenu yahwile kuli makumbi. Hindu kunwahilukile kuli yami. Chocho kanambe Yehova.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

A-ROMA 2:2

Mumu tunanyingika upatwilo wa Zambi kuunalite ni umwenemwene hali waze aku-linga yuma ngwe yino.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?