Jeremia 5:26 - MUKANDA USANDU WA ZAMBI 1975

²⁶ Mumu yingulungulu hwali hakachi ka atu jami. Kakuswama ngwe akwa kujikinyina tujila. Kakuta miheto; kakukwata atu.

Mukanda Wa Zambi 1970

²⁶ “Yingulungulu kaatwama mukachi ka atu jami; kaakujikinyina ngwe atu waze anatela tujila Wanda, alioze kaanate miheto yo yakwoza atu.

Jeremia 5:26 Iomraidhean Croise

Miaso (Masamu) 64:5

Kakulisongojola mu kutaha chipi. Kakulishimwinya akatele makambwila ku lumbu. Kanambe ngwo, Iya mayimona?

Yishima 1:11

Nyi mamba ngwo, Tweya ni yetu tukatwaminyine kumwanga manyinga, tukajikinyine waze keshi chitela;

Izaya 32:7

Ukanyame wa chikanyame upi, kakutaka yuma ya ungulungulu akalumbule yiswale ni maliji a mahuza, chipwe chikuma cha mukwa kuhona chinate.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 18:20

Kakufweta chipema ni chipi? Hindu hanangufulila wumbu anguchize mwono wami. Iwuluka chize namanyine kumeso je ni kwahakwila, ngukatewulule ufwatulo we kuli ayo.

Jeremia 18:22

Tukevwe muteto ku mazuwo jo, muze muneha akwa kupupa hali ayo susumuku! Mumu o hanangufulila wumbu, nikungutela makambwila.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 9:8

Limi lio liapwa mwivu wa kufwa nikuhanjika kwonga. Mutu mweswe ni kanwa lienyi kakuhanjika sambukila kuli mukwo, alioze mu mbunge yenyi kakutaka kumujikinyina.

Mika 6:10

Munguhasa kuvulama upite wa ungulungulu mu zuwo lia chingulungulu, hanji njongo ya kukehesa yize yinashingiwa?

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Luka 5:10

chizechene nawa Tiangu ni Yoano, ana ja Zembendeu, eno apwile masepa ja Semone. Yesu wambile kuli Semone ngwenyi, Kanda wivwa woma; chize ku haliapwila ndo ku miaka kumukatela atu.