Jeremia 5:24 - MUKANDA USANDU WA ZAMBI 1975

²⁴ Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Mukanda Wa Zambi 1970

²⁴ Kunwanyongene ko kungulemesa nichimwe, chibwe hinatuma vula musazu ni wa mubatuko, ni hingunanwehe changa cha kuhela mbuto mwaka ha mwaka.

Jeremia 5:24 Iomraidhean Croise

Ubutukilo 8:22

Shimbu hashi muhasala mwaka wa kukuwa ni mwaka wa kucha, ni chishika ni chivukuminya ni lwiza ni lushiho, ni mwalwa ni ufuku kuyichi kahwa.

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

Jobe 29:23

Angutwaminyinyine ngwe kakutwaminyina vula; apakwile makanwa jo ngwe ha vula musazu.

Jobe 38:37

Iya ku mana jenyi mahasa kwalula malelwa? Iya mahasa kupukumuna swaha ja mwilu,

Jobe 5:10

Kakunokesa vula hashi, kakutuma meya ha minda.

Miaso (Masamu) 147:8

Yoze wakufuka mwilu ni malelwa. Yoze wakululikila vula hashi. Yoze wakusokesa mwambu ha milundu.

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Jeremia 10:13

Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 3:3

Kashika hakumina vula wa chehu ni vula wa samakwasa kejile. Hindu uli ni huma lia chikoi; kusolo kwivwa sonyi.

Jeremia 5:22

Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Jeremia 50:5

Makahula jila ya kuya ku Zaione ni meso jo a kutalikisako ngwo, Tatuyenu tulinunge ni Yehova ni usendo wa mutolo uze kechi kahasa kuvulama.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Joele 2:23

Enu ana ja Zaione, Wahililenu. Likwizenu muli Yehova Zambi yenu, mumu kakunwaha vula musazu nikulita. Kakunutuma vula, ni vula musazu, ni vula wa samakwasa ha kakweji mutangu.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Zakaria 10:1

Etenu vula kuli Yehova ha kakweji wa vula musazu. Etenu kuli Yehova mukwa kutanga njaji mukwa kuhana vula wa samakwasa, mukwa kuhana mwambu mu chifuchi.

Mateu 5:45

hanga nukapwe ana a Tatenu yoze uli mu malilu: mumu kakuvumbula tangwa lienyi hali api ni apema; kakunokesa vula hali akwa ululi ni hali yihenge.

Yilinga 14:17

Hindu kalihichikile iye mwene keshi chela, te walingile yipema, wanuhele vula wa mwilu ni tukweji a kwima mihuko, nikuzalisa mbunge jenu ni kulia ni chiseke.

Shimbi 28:12

Yehova makanupakwila upite wenyi upema wa mwilu, mukunokesa vula wa chifuchi chenu ha mwaka wenyi, mukuwahisa milimo yeswe ya moko jenu. Munukahana mikuli ku mavungu anji, alioze kunuchi katambula mikuli.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.

Usolwelo 11:6

Wano chiyulo akwete cha kuyika lilu, hanga vula kechi kanoka ha matangwa ja uprofeto wo: o chiyulo akwete ha meya cha kwaalumuna manyinga, ni cha kulamba hashi ni lamba lieswe lieka ni lieka, cheswe mazanga.