Jeremia 5:22 - MUKANDA USANDU WA ZAMBI 1975

²² Yehova kanambe ngwenyi, Kunwanguvwilile woma nyi? Kunwachikimine kumeso jami nyi? Nasele masekeseke akapwe njiza ya kalunga-lwiji, chikwiko cha miaka yeswe kahashile kupalika. Chipwe mikanya muyilifwita hindu kuyahashile kukumba, chipwe muyichungula hindu kuyichi kupalika helu.

Mukanda Wa Zambi 1970

²² Yami nguli Mwene Zambi, mba kuchi kunushi kunguvwila woma? Mumu yika kunushi kuchikima ku meso jami? Hingunase masekeseke ngwe njiza ya kalunga lwiji, njiza yize kalunga lwiji kahashile kubalika. Kalunga lwiji mahasa kubinda, alioze meya keechi kahiana. Miavu muyihasa kulifwita, alioze kuyichi kubalika.

Jeremia 5:22 Iomraidhean Croise

Ubutukilo 1:9

Zambi yamba ngwenyi, Meya aze ali kushi lia lilu aswile muma mumuwika, mavu omu asoloke. Yichipwa chocho.

1 Yitanga Ya Mianangana 13:28

Yaya, yawana mujimba wenyi wa kumbila mu jila ni chimbulu ni ndumba kanamana hakamwihi ni mujimba alioze ndumba kalile mujimba chipwe kushiha chimbulu.

Jobe 26:10

Hafunjika mufunda wa chikelula ha meya; ukapwe njiza ya mwalwa ni milima.

Jobe 37:24

Kashika atu kakumuvwila woma; keshi kutala waze akulimona akwa mana anji.

Jobe 38:8

Iya wayikile kalunga-lwiji ni yajilo muze wapukukile ku jimo?

Miaso (Masamu) 104:9

Waaselele njiza kechi kuhasa kuyihiana, kuchina mahiluka nawa akafuke hashi.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 33:7

Iye kakukunga meya a kalunga-lwiji ngwe mulumba; kakutulika meya a mu jondo mu machila.

Miaso (Masamu) 46:3

Chipwe e meya jamo mahanjika ni lundujila nikupinda; chipwe milundu muyinyika ni mikanya yenyi.(Litulike.)

Miaso (Masamu) 99:1

Yehova kanayulu, mavungu ja atu akachikime. Katwama hakachi ka akerupime, hashi heswe hakanyike.

Yishima 8:29

muze wafunjikile njiza ja kalunga-lwiji kuchina meya mahiana shimbi jenyi, muze wafunjikile fundamentu ya hashi.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 31:35

Mwe Yehova yoze wahanyine tangwa likapwe pangu ha mwalwa, ni jila ya kufunjika ya kakweji ni matongonoshi akahane pangu ha ufuku; yoze wakuvundula kalunga-lwiji ndo mikanya yenyi muyihanjika lundunjila— jina lienyi, Yehova-wa-Tujita,

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Amose 4:12

Kashika mungulinga chino kuli yenu A-Izalele, mba se mungulinga chino kuli yenu hililulikenu kuliwana ni Zambi yenu enu A-Izalele.

Amose 9:6

yoze wakutunga yipatulo yenyi ya kwilu mu malilu nikusa kuzazuluka chenyi helu lia hashi, yoze wakusanyika meya a kalunga-lwiji nikwazukwila ha mavu—jina lienyi Yehova.

Yona 1:16

Mba malunga yavwila woma Yehova kuhiana. Yalambula chitapo kuli Yehova nikulilakenya ni shingo.

Nahume 1:4

Kakukanjisa kalunga-lwiji ni kumuumisa; kakuumisa njiji jeswe. Mbashane ni Karmela kuyakulila, ni yitemo ku Lebano kuyakuma.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Marku 4:39

Iye walawile, wambilile fuji, mba wambile ku Chitende ngwenyi, Hwima, hola. Ni fuji yahwimine, kwapwile kuhola chinene.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Shimbi 28:58

Kachi kunuchi kukanyama kulinga maliji eswe a shimbi yino anasonewa mu mukanda uno, hanga nwivwe woma wa jina lino lia ulemu, lia kukolesa mwongo, YEHOVA ZAMBI YENU,

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.