Jeremia 5:2 - MUKANDA USANDU WA ZAMBI 1975

² Chipwe akwamba ngwo, Ni mwono wa Yehova, hindu hanalishingi ni mahuza.

Mukanda Wa Zambi 1970

² Chibwe nwakulishinga ni jina lia Mwene Zambi, hindu nunalishingi ni mahuza.

Jeremia 5:2 Iomraidhean Croise

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Jeremia 9:2

Nyi kachi napwa ni kamwe kazuwo ka ngeji mu puya, hanga ngukahichike atu jami ngukaye kusuku no! Mumu eswe anapu akwa utanji, mbunga ya malunga a mafwefwe.

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Hosea 4:15

Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Alevi 19:12

Kanda nulishinga ni mahuza ku jina liami, nukajilule jina lia Zambi yenu. Yami Yehova.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.