Jeremia 5:19 - MUKANDA USANDU WA ZAMBI 1975

¹⁹ Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Mukanda Wa Zambi 1970

¹⁹ Muze atu maahula chikuma chize nalingilile yuma yino yeswe, yena Jeremia, alweze ngwe: ‘Hinunehuka Mwene Zambi ni kulingila mazambi a tundaka mu chifuchi chenu, Chenacho nawa munukalingila yilambala mu chifuchi cho?’ ”

Jeremia 5:19 Iomraidhean Croise

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 2:13

Mumu atu jami halinga yuma yipi yiali. Hanangwehuka, yami lie fuji lia meya a mwono, mba hanalitotela mashima ene, mashima a miaji, kahashile kupwa ni meya.

Jeremia 2:14

Izalele te kapinji? Te mwana wa ha chihunda? Kuchi te nyi hanalumuka wa kupunda?

Jeremia 2:35

wakwamba ngwe, Chishi mulonga; utenu wenyi hiwangwecha pundu. Mungukuneha ku upatwilo mumu ha kwamba ngwe, Chavulumwine.

Jeremia 5:18

Hindu Yehova kanambe ngwenyi, Chipwe ha matangwa aze, chichi kunumanu nuna lu.

Jeremia 5:20

Ambulula chino ku munyachi wa Yakomba amba mu Yunda ngwe,

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Jeremia 9:13

Ni Yehova kanambe ngwenyi, Mumu hanehuka shimbi yami yize nasele kumeso jo, kononokene ku liji liami chipwe kwenda nikulita nalio,

Lungungu 5:8

Tupinji kanatuyulu ni yoze matupulula kuli ayo keshiko.