Jeremia 5:18 - MUKANDA USANDU WA ZAMBI 1975

¹⁸ Hindu Yehova kanambe ngwenyi, Chipwe ha matangwa aze, chichi kunumanu nuna lu.

Mukanda Wa Zambi 1970

¹⁸ Mwene Zambi kanambe ngwenyi: “Chibwe chocho, ha matangwa waze chichi kwonona atu jami liakulu.

Jeremia 5:18 Iomraidhean Croise

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Jeremia 5:19

Mba muze atu jenu mamba ngwo, Kuchi te Yehova Zambi yetu hatulinga yino yuma yeswe? Ena muwamba kuli ayo ngwe, Chizechene ngwe yenu hinwangwehuka, hinwalingila mazambi a yilambala mu chifuchi chenu, chochene munukalingila yilambala mu chifuchi hi ni chenu ko.

Ezekiel 11:13

Shimbu munguchiprofeteza, Pelatia mwana Benaia yafwa. Mba yami yingufulamana hashi nikuteta ni liji linene ngwami, Mwene Yehova! Unambe kumanununa e masalila ja A-Izalele nyi?

Ezekiel 20:17

Hindu liso liami liaavwilile keke, chaanongesene mu puya chipwe kwamanununa.

Ezekiel 9:8

Shimbu machilamba, ni yami nasalile ukawami, yingufulamana hashi nikuteta ngwami, Mwene Yehova! Muonwona waze eswe anasala mu Izalele ha kuzukula ufwatulo ha Yerusaleme?

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.