Jeremia 5:17 - MUKANDA USANDU WA ZAMBI 1975

¹⁷ Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Mukanda Wa Zambi 1970

¹⁷ Kumaakalia mbuto jenu ni yakulia yenu; kumaakashiha ana jenu a malunga ni a mapwo; maakashiha yimuna yenu ni kupakwola mitondo yenu ya vinyu ni mikuyu. Kumaakabuba membo jenu akukoleka hali waze nwakujikijila.

Jeremia 5:17 Iomraidhean Croise

Izaya 62:8

Yehova halishinga ni kwoko lienyi lia chindume, halishinga ni kwoko lienyi lia ndundo ngwenyi, Chichi kahana mbuto yenu kulisa akwa kole jenu; tundaka kechi kanwa vinyu yenu yize hinwahondanganyina.

Izaya 62:9

Alioze waze mayicha mayilia, nikuhalisa Yehova, ni waze mayihela mayinwa mu maze ja zuwo liami lisandu.

Izaya 65:22

Kechi katunga hanga mukwo akatwamemo, kechi katumba hanga mukwo akalieko. Mumu matangwa ja atu jami mapwa ngwe matangwa ja mitondo; waze naatongwele makawahilila ni milimo ya moko jo.

Jeremia 1:15

Mumu Yehova kanambe ngwenyi, Ngunasanyika minyachi yeswe ya mawanangana a ku Norte. Kumakeza mba mweswe hakachi ko masa ngunja yenyi ku unjililo wa yikolo ya Yerusaleme, kulimika ni yipanga-ya-mawe yayo yeswe ya kujingilika ni yihunda yeswe ya Yunda.

Jeremia 25:37

ni malimba a sambukila kanaenyeka, mumu ha utenu usasu wa Yehova.

Jeremia 4:26

Natalile, kumanyi chifuchi cha mihuko hichalumuka puya, yihunda yacho yeswe hanayipuzula, kumeso ja Yehova ni ufwatulo wenyi usasu.

Jeremia 4:7

Umwe ndumba hakatuka ku usaki wenyi; mukwa kwonwona mavungu haputuka, hakatuka kuma kwenyi akenyeke chifuchi chenu, akapuzule yihunda yenu, ni kuyihichika kuyishi atu.

Jeremia 5:18

Hindu Yehova kanambe ngwenyi, Chipwe ha matangwa aze, chichi kunumanu nuna lu.

Jeremia 50:17

Izalele kapwa ngwe panga wa kuhanga kuli ndumba. Hatangu mwanangana wa Asuria wamukumbile, mba haliapwila ku songo Nabukanezore mwanangana wa Babilonia hanapolota yifwaha yenyi.

Jeremia 50:7

Waze eswe haawana haalia, ni akwa kole jo hanambe ngwo, Etu kutushi mutonga, mumu hanavulumuna Yehova, kuma kwo kwamwenemwene kwa kutwama, mwe Yehova kutalatala wa tulamba two.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Lungungu 2:12

Kanatambika kuli anaye ngwo, Mbolo ni vinyu yilihiyo? Shimbu analezumuka ha matapalo ja chihunda ngwe malunga a kwasa, shimbu mwono wo unasulila mu makondo ja anaye.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Ezekiel 36:4

kashika enu milundu ya Izalele, ivwenu liji lia Mwene Yehova: Mwene Yehova kanambe ku milundu, ni ku mindundena, ni ku mishitu, ni ku yikulo, ni ku puya ja kwenyeka, ni ku yihunda yize atu jayo hayichina, yize hiyalumuka ya kupupa, ya kulenya ku mavungu akwo a kujingilika,

Hosea 2:12

Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Joele 2:3

Kulutwe lio kahia kukanalalisa, mba kunyima lio milengi yinalengenya. Kulutwe lio chifuchi chapwa ngwe munda wa Endene; kunyima lio kwapwa ngwe kango lia hululu, niumwe mutu momboka kuli ayo.

Alevi 26:16

chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Zefania 3:6

Hinasutula mavungu; yipanga yo ya mawe yinapuzuka. Hinenyeka matapalo jo, chocho niumwe keshi kwendelamo. Yihunda yo hiyalumuka ya hululu; kumushi mutu; kumushi mwenyayo.

Malaki 1:4

Nyi Endome mamba ngwenyi, Hanatupalwola alioze mututungulula chize hichapuzuka; Yehova-wa-Tujita mamba ngwenyi, Chipwe matunga, yami mungupuzula ndo maatongola ngwo, Chifuchi cha yingulungulu, atu aze Yehova watenuka no miaka yeswe.

Shimbi 28:33

Mbuto ya ha mavu jenu ni kuhondangana chenu cheswe kumakayilia kuli akwa vungu enu kunwaanyingikine, makanumwesa lamba wika, nikunushata chipi matangwa eswe.