Jeremia 5:13 - MUKANDA USANDU WA ZAMBI 1975

¹³ Aprofeta malumuka ngwe fuji; lie liji kulishimo muli ayo. Chocho muchipwa kuli ayo.

Mukanda Wa Zambi 1970

^13-14 Yaamba nawa ngwo: “Akwa munanyi kaali ngwe fuji wika, keeshi ni maliji a kuli Mwene Zambi.” Mwene Zambi Mukwa Ndundo Jeswe yangwamba ngwenyi: “Jeremia, muze atu wano haahanjika yuma yino, mungusa maliji jami mu kanwa lie ngwe kahia. Atu kumaabwa ngwe kunyi, ni kahia mukalengenya hali ayo.”

Jeremia 5:13 Iomraidhean Croise

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Jobe 6:26

Te maliji wika malulamisa mutu? Kuhanjika cha mukwa kuhuza-chamwe-nemwene fuji.

Jobe 8:2

Ndo mwiji muka muwamba yino yuma? Ndo tangwa lika maliji a mu kanwa lie mapwa ngwe kangonga?

Yishima 25:14

Yoze malisamba nikulionga ha kujama chenyi, kapwa ngwe malelwa ni fuji yize kuyishi vula.

Izaya 41:29

Eswe hanapu chongo chamokomoko, yilinga yo yamokomoko, tuponya two a kuzuzulula eswe fuji yamokomoko.

Jeremia 14:13

Yingwamba ngwami, Mwene Yehova, aprofeta kakwamba kuli ayo ngwo, Kunuchi kamona katana, chipwe kupwa ni kapunga, alioze mungunwaha sambukila ya pundu muno mu chifuchi.

Jeremia 14:15

Kashika Yehova kanambe ha kutwala kuli aprofeta waze anaprofeteza mu jina liami, chipwe yami chaatumine, waze anambe ngwo, Katana ni kapunga kechi keza ha chifuchi chino, ngwami, Wano aprofeta kumakanonga ni katana ni kapunga.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 22:22

Fuji muyikafunga tufunga twe eswe, ni akwa zango lie maya ufunge. Henaho mba muwivwa sonyi ni kutatajala mumu ha ungulungulu we weswe.

Jeremia 28:3

Shimbu miaka yiali kanda yihwa munguhilwisa kuno yikwachilo yeswe ya zuwo lia Yehova, yize Nabukanezore mwanangana wa Babilonia wachijile kuno nikuyitwala ku Babilonia.

Jeremia 43:2

Azaria mwana Hoshaia ni Johanane mwana Karea ni akwa shino eswe ambile kuli Jeremia ngwo, Mahuza unambe. Yehova Zambi yetu kakutumine ukambe ngwe, Kanda nuya ku Engitu nutwameko.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.