Jeremia 5:12 - MUKANDA USANDU WA ZAMBI 1975

¹² Hanahanjikila mahuza Yehova ngwo, Kechi kulinga nichimwe; chipi nichimwe kuchichi kutuwana; chipwe katana, chipwe kapunga, kutuchi kuyimona.

Mukanda Wa Zambi 1970

¹² Aisraele haanalitunu Zambi nikwamba ngwo: “Zambi kechi kulinga nichimwe. Kutuchi kumona lamba, chibwe jita hanji zala.”

Jeremia 5:12 Iomraidhean Croise

2 Sango Ja Mianangana 36:16

Alioze alenyene tunganda twa Zambi; yalelesa maliji jenyi; ni kuchimbunguna aprofeta jenyi ndo ufwatulo wa Yehova wavundukile kulimika ni atu jenyi, mumu chize malinga kwakwasa chakuhi nawa.

Miaso (Masamu) 10:6

Hanambe mu mbunge yenyi ngwenyi Chichi kukokoloka, nilimwe tangwa mungwiza kuyindama.

Miaso (Masamu) 14:1

Chihepuke kanambe mu mbunge yenyi ngwenyi, Kukushi Zambi niumwe. Hanapiha; kakulinga yitanga ya kuzelwokesa. Kukushi niumwe yoze unalingi chipema.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 28:4

Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Jeremia 4:10

Ami yingwamba ngwami, Mwene Yehova, hiwonga liakulu wano atu ni A-Yerusaleme ngwe, Muchipwa chipema ni yenu, alioze katana hanahete kwe ku mwono wo.

Jeremia 43:1

Muze Jeremia hamana kuhanjika ni e atu eswe maliji ano eswe a Yehova Zambi yo, iye Yehova Zambi yo hamutuma no kuli ayo,

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 6:14

Hawuka chilonda cha atu jami hakehe wika, nikwamba ngwo, Sambukila, sambukila, muze sambukila yakuhi.

Ezekiel 13:6

Hanahanjika mahuza; hanatahe cha kwonga. Kakwamba ngwo, Yehova kanambe, alioze Yehova kaatumine, hindu kanafuliela ngwo, Iye makamanununa liji lietu.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Shimbi 29:19

Kuchina ha kwivwa maliji a shingo lino, maliwahisa mwene mu mbunge yenyi ngwenyi, Mungupwa ni sambukila, chipwe mungwenda ni pami ja mbunge yami, ku pwila yami munguweza kuzengewa.

1 Yoano 5:10

Yoze mafuliela kuli mwe Mwana Zambi kali ni Shindakenyo muli iye mwene: yoze keshi kufuliela Zambi hanamupwisa mukwa mahuza; mumu kafulieleleko ku Shindakenyo yize hanashindakenya Zambi ha kutwala kuli Mwanenyi.

1 Samuel 6:9

Munutala nyi muukandukila ku jila ya njiza yawo ku Mbete-Shemeshe, iye mwene hanatulingi chuma chino chipi chikolo. Ahoze nyi ka, mba mutunyingika ngwetu hi kwoko henyi ko liatulambile; chapwile chuma cha kutuwana chiwanyina.