Jeremia 5:10 - MUKANDA USANDU WA ZAMBI 1975

¹⁰ Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Mukanda Wa Zambi 1970

¹⁰ Mungutuma akwa kole akapakule mitondo ya vinyu ya atu jami, hindu kwoonona liakulu ka. Mungukaalweza akasalule mitondo yayo, mumu hi mitango ya yami ko.

Jeremia 5:10 Iomraidhean Croise

2 Sango Ja Mianangana 12:4

Yatambula yihunda ya kukolesa ya Yunda, mba yeza ku Yerusaleme.

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Jeremia 2:21

Hindu nakutumbile mutondo wa uva ulemu, wa mbuto yipema pundu. Kuchi hiwalumuka wamokomoko, mutondo wa uva wa mu yambu?

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 46:28

Yehova kanambe ngwenyi, Yena kavumbi kami Yakomba kanda wivwa woma, mumu yami hamuwika ni yena nguli. Mungumanununa wupu mavungu aze eswe kuze hinanuhumina, alioze yenu chichi kunumanununa liakulu. Mungunufumba ni kulita. Chichi kunuhichika chizechene ni kastigu yakuhi.

Jeremia 5:11

Mumu Yehova kanambe ngwenyi, Munyachi wa Izalele nimunyachi wa Yunda hapwa ni mafwefwe kuli yami pundu.

Jeremia 5:18

Hindu Yehova kanambe ngwenyi, Chipwe ha matangwa aze, chichi kunumanu nuna lu.

Jeremia 5:9

Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe liapwa ngwe lino nyi?

Ezekiel 12:16

Hindu mungutayiza amwe kuputuka ku katana, ni ku kapunga, ni ku chilungo, hanga akatayize yuma yo yeswe ya lwaji hakachi ka mavungu kuze anayi, akanyingike yami nguli Yehova.

Ezekiel 14:17

Chipwe munguneha katana ha chifuchi ni kwamba ngwami, Katana apalike ndusu mu chifuchi, mba mungusutulaho atu ni tushitu,

Hosea 1:9

Yehova yamba ngwenyi, Umuluke jina lienyi, Lo-Ami, mumu yenu hi nuli atu jami ko, ni yami hi nguli Zambi yenu ko.

Amose 9:8

Meso ja Mwene Yehova ha chifuchi cha shili anaahulikila, mba mungukachonwona he ha mavu: Munyachi wa Yakomba wika chichi kaunongesa liakulu. Chocho kanambe Yehova.

Mateu 22:7

Muze mwanangana achivwile, watenukine, watumine mbunga ya maswalale jenyi, wonwene yingalwe aze, mba wochele limbo lio.