Jeremia 49:7 - MUKANDA USANDU WA ZAMBI 1975

⁷ Ha kutwala kuli Endome Yehova-wa-Tujita kanambe ngwenyi, Mana hahwa mu Temane? Yiyulo hiyajimuka kuli yikanyame? Mana jo hachina?

Mukanda Wa Zambi 1970

⁷ Mwene Zambi Mukwa Ndundo Jeswe yamba hakutwala kuli Aedome ngwenyi: “Kuma akwa limbo lia Temane haanatokesa mana jo, nyi? Kuma yikanyame keeshi nawa ni chiyulo, nyi? Mana jo haahwa, nyi?

Jeremia 49:7 Iomraidhean Croise

Ubutukilo 25:30

Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome.

Ubutukilo 27:41

Esau wavwilile kole Yakomba mumu ha uwape uze tato hamuwahisa nawo. Yamba mu mbunge ngwenyi, Matangwa a kulila tata hakamwihi ali, mba mungushiha mwanakwetu Yakomba.

Ubutukilo 32:3

Yakomba yatuma tunganda kulutwe kuli yayo Esau ku chifuchi cha Sere, kwe ku musenge wa Endome.

Ubutukilo 36:11

Ana ja Elifaze wano; Temane, ni Omare, ni Zefwo, ni Ngatame, ni Kenaze.

Ubutukilo 36:15

Miata ja ana a malunga a Esau wano; ana ja Elifaze mwe mutangu wa Esau; mwata Temane, ni mwata Omare, ni mwata Zefwo, ni mwata Kenaze.

Ubutukilo 36:34

Yafwa Jobaba mba Hushame wa ku chifuchi cha A-Temane wamusalakanyine mu chiyulo.

Ubutukilo 36:8

Esau Watwamine ku mulundu wa Sere. Esau iye Endome.

1 Sango Ja Mianangana 1:53

ni mwata Kenaze, ni mwata Temane, ni mwata Miza,

Jobe 2:11

Achi muze masepa a Jo atatu evwile yipi yino yeswe yamuwana yakatuka mutu mweswe ku chifuchi chenyi; Elifaze Ka-Temane, ni Bilidade Ka-Shuha, ni Zofare Ka-Nama. Yalilakenya akeze hamuwika akalishimwoke nenyi ni kumulembejeka.

Jobe 4:1

Elifaze Ka-Temane yakumbulula ngwenyi,

Miaso (Masamu) 137:7

Yehova, iwuluka cha kulimika ni Endome, tangwa lia Yerusaleme, waze ambile ngwo, Puzulenu! Puzulenu! ni ye fundamentu yalio.

Izaya 21:11

Liji lia kutwala ku Nduma ngwo, Umwe ku Sere kanasanyika kuli yami ngwenyi, Kalayi! Ufuku kuchi wapwa? Kalayi! Ufuku kuchi wapwa?

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Jeremia 12:14

Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 25:21

ni Endome, ni Moape, ni ana ja Amone.

Jeremia 25:23

ni Ndetane, ni Tema, ni Buze ni waze eswe akupatula mbango ja kambu jo.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 49:20

Kashika ivwenu chize Yehova halulika cha kulimika ni Endome, ni yiyulo yize hakolesa ya kulimika ni akwa Temane ngwenyi, Chipwe ana-mapanga akepe a ku chendo maambulumuna. Pundu, tanga lio lieswe mulikevwa lwaji mumu ha kufwa cho.

Jeremia 8:9

Akwa mana makaakolesa sonyi, makatatajala, makakwachika; mumu hanalitunu liji lia Yehova, mba mana aka ali no nawa?

Lungungu 4:21

Wahilila ni kulikwiza, ena mwana-pwo Endome watwama mu chifuchi cha Uze; alioze kuli yena nawa musenge uno muukaheta, ni yena mukazengewa ni kulizula uselesele.

Ezekiel 32:29

Endome kokwali, ni mianangana jenyi ni alemu jenyi eswe. Chipwe apwile ni ndundo, hindu hanaapombesa ni waze haashiha ni katana. Kanapombo ni yilima, hamwe ni waze akuya ku jondo.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Joele 3:19

Engitu muyikapwa ya hululu, ni Endome muyikapwa puya ya hululu mumu ha upupilo uze alingile kuli A-Yunda, mumu mu chifuchi cho hamwanga manyinga a kusamba.

Habakuke 3:3

Zambi yakatuka ku Temane, mwe Musandu yakatuka ku mulundu wa Parane. Uhenya wenyi watakile malilu, ni hashi liazalile ni uhaliso wenyi.(Litulike)

Shimbi 23:7

Kanda nuvwila kole Ka-Endome mumu iye mukwenu. Kanda nuvwila kole Ka-Engitu mumu yenu nwapwile yilambala mu chifuchi chenyi.