Jeremia 49:6 - MUKANDA USANDU WA ZAMBI 1975

⁶ Alioze kulutwe munguhilwisa nawa kuwaha cha A-Amone; chocho kanambe Yehova.

Mukanda Wa Zambi 1970

⁶ “Alioze kulutwe mungukayukisa Aamone nawa. Yami Mwene Zambi nachamba.”

Jeremia 49:6 Iomraidhean Croise

Izaya 23:18

Yuma yenyi ya kutalika ni fweto yenyi makayitumbikila kuli Yehova. Kechi kayitulika hanji kuyitongowenya, alioze yuma yenyi ya kutalika muyipwa kulia cha kulumbama ni mazalo apema kuli waze anatwama kumeso ja Yehova.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 46:26

Mungwakunjika kuli waze anafupu kwashiha, kuli Nabukanezore mwanangana wa Babilonia ni tupitau twenyi. Kulutwe Engitu makapwa ni atu chizechene ngwe ha matangwa a ku shakulu. Chocho kanambe Yehova.

Jeremia 48:47

Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Jeremia 49:39

Hindu ha matangwa a kusula mungukahilwisa kuwaha cha Elame. Chocho kanambe Yehova.

Ezekiel 16:53

Mungukahilwisa kuwaha cho; kuwaha cha Sondome ni anenyi a mapwo, ni kuwaha cha Samaria ni anenyi a mapwo; chikwo nawa mungukahilwisa kuwaha cha yena mwene hakachi ko,

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.