Jeremia 49:3 - MUKANDA USANDU WA ZAMBI 1975

³ Ena Heshebone, lila mbimbi, mumu Ayi hayenyeka! Litetwokenu, enu mapwo a ku Raba! Zalenu yikeleyi, lishimwoke, ni kulihiza hakachi ka yiputa! Mumu Milikome makaya ku unjize hamwe ni asasendote jenyi ni alemu jenyi.

Mukanda Wa Zambi 1970

³ Yenu akwa limbo lia Heshbone, lilenu mbimbi! Limbo lia Ayi haalienyeka! Yenu mapwo ja Raba, lilenu! Zalenu mianji, nulile. Chinenu mu kuyambashana chenu. Zambi yenu Milkome maamutwala mu undungo, hamwe ni mahako ni mianangana jenyi.

Jeremia 49:3 Iomraidhean Croise

2 Samuel 11:1

Mba ha kupalika cha mwaka, ha kakweji wa kuya mianangana ku jita David yatuma Joabe hamuwika ni atu jenyi ni A-Izalele eswe. Yonwona A-Amone mba yaseleka Raba. Alioze David wanamine ku Yerusaleme.

1 Yitanga Ya Mianangana 11:33

Munguchilinga mumu hanangwehuka akawayile Asatarote zambi ya A-Sendone, ni Chemoshe zambi ya Moape, ni Milikome zambi ya A-Amone. Kendele mu majila jami kulinga chize changupemena, nikufunga yiyulo yami ni upatwilo wami ngwe tato David walingile.

1 Yitanga Ya Mianangana 11:5

Mumu Solomone wakawile Asatarote zambi ya A-Sendone, ni Milikome chizelwokeso cha A-Amone.

1 MIANANGANA 23:13

Manangamo aze apwile kulutwe lia Yerusaleme, aze apwile ha sali lia chindume lia mulundu wa luchisa, te Solomone mwanangana wa Izalele waatungile hali Asatarote chizelwokeso cha A-Sendone, ni hali Chemoshe chizelwokeso cha A-Moape, ni hali Milikome chizelwokeso cha A-Amone, o nawa mwanangana yachisa.

Ezra 2:28

Malunga a ku Mbetele ni Ayi, kulakaji aali ni makumi aali ni atatu.

Izaya 13:6

Lilenu mbimbi, mumu tangwa lia Yehova hiliakundama; muliza ngwe kwenyeka cha kuli Mukwa-Ndundo-Jeswe.

Izaya 14:31

Lila mbimbi, ena chajilo! Tetwoka, ena limbo! Enu A-Filistea, eswe sangunukenu ni woma. Mumu mwishi unakatuka ku Norte, hakachi ka tujita twenyi kukushi mukwa kukokoloka.

Izaya 15:2

Mwana wa Ndibone wa pwo hanakanduka ku manangamo akalile. Moape kanalili mbimbi ha Nebo ni Medeba. Mutwe weswe wa kawewe, ni wevu weswe wa kutewula.

Izaya 16:7

Kashika Moape alile mbimbi ni atu eswe alilile mbimbi Moape. Lishimwokenu nikulifwita, ha fundamentu ja Kiri-Haresete.

Izaya 23:1

Liji lia kutwala ku Teru ngwo, Lilenu mbimbi enu mato a Tashi, mumu hanenyeka Teru. Kukushi zuwo chipwe kuze mahasa kunjila! Chize ku chifuchi cha Kitime hanaalwezecho.

Izaya 23:6

Enu akwa mbaka, palikenu ku Tashi nukalile mbimbi.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 46:25

Yehova-wa-Tujita, Zambi ya Izalele wambile ngwenyi, Ngunakoko kastigu hali Amone wa ku No, ni Falau, ni Engitu ni mazambi jako ni mianangana jako, ni hali Falau ni waze anamufuliela.

Jeremia 48:2

lufuma wa Moape hajimuka. Ku Heshebone atakile yipi ya kulimika nenyi ngwo, Tuyenu tukaateteko, alitwamine kupwa vungu nawa. Alioze yena nawa chizaluke kumakakuholesa; katana kumakakukaula.

Jeremia 48:20

Moape hamukolesa sonyi mumu hamumakuna. Lilenu mbimbi! Litetwokenu! Nuchambujole ku sesa lia Arnone ngwenu, Moape hanenyeka.

Jeremia 48:37

Mutwe weswe hiwapwa wa kawewe ni wevu weswe hanautewula. Ha moko eswe hali mbandu, ni ha mijimba yeswe yikeleyi.

Jeremia 48:7

Mumu ha kufuliela yitanga yenu ni upite wenu kashika ni yenu nawa manukwata, ni Chemoshe maya ku unjize hamwe hi asasendote jenyi ni alemu jenyi.

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Jeremia 51:8

Susumuku Babilonia haholoka, hanafu; mulililenu mbimbi! Andenu yitumbo ha yikola yenyi, hanji muyimuwuka.

Jeremia 6:26

Ena mwana wa pwo atu jami, zala chikeleyi, ukalilangumune mu uto. Ukalishimwoke ngwe hali mwana wa wika, kulila chisasu, mumu susumuku chonwonyi matuwana.

Amose 1:15

Mba mwanangana wo makaya ku unjize iye ni alemu jenyi hamuwika. Chocho kanambe Yehova.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.

Yoshua 7:2

Yoshua wakatwishile malunga ku Yeriku akaye ku Ayi, chihunda cha kusulangana ni Mbete-Avene ku sali lia Chivumbuko lia Mbetele. Yamba kuli ayo ngwenyi, Yénu nukendese chifuchi. E malunga ayile nikwendesa Ayi.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Yoshua 8:28

Chocho Yoshua yocha Ayi. Yachipwisa mulumba wa yiswaswa wa mutolo, chize chapwa ndo musono.