Jeremia 49:2 - MUKANDA USANDU WA ZAMBI 1975

² Kashika Yehova kanambe ngwenyi, Matangwa kaneza muze munguneha mutambi wa jita mu matwi, wa kulimika ni Raba ya A-Amone. Muyalumuka mulumba wa hululu, ni tuyihunda twako matwocha ni kahia, mba henaho Izalele makasalakana waze amusalakanyine. Chocho kanambe Yehova.

Mukanda Wa Zambi 1970

² Alioze tangwa kulineza lize munguvwisa akwa limbo lia Raba zungo lia jita. Akwa kole maahichika lie limbo liakwenyeka ni yihunda yalio yakwocha kahia. Mba Aisraele maatambula chifuchi cho kuli waze achichishile.

Jeremia 49:2 Iomraidhean Croise

2 Samuel 11:1

Mba ha kupalika cha mwaka, ha kakweji wa kuya mianangana ku jita David yatuma Joabe hamuwika ni atu jenyi ni A-Izalele eswe. Yonwona A-Amone mba yaseleka Raba. Alioze David wanamine ku Yerusaleme.

Miaso (Masamu) 48:11

Mulundu wa Zaione Ukawahe; ana ja Yunda ja mapwo akawahilile, mumu ha upatwilo we.

Miaso (Masamu) 97:8

Zaione wachivwile nikuwahilila. Ana ja Yunda evwile chiseke mumu ha upatwilo wa yena Yehova.

Izaya 11:14

Alioze kumakahulumukina ha chipaya cha A-Filistea ku Chitokelo; hamuwika kumakapupa akwa Chivumbuko. Kumakazoza moko jo kulimika ni A-Endome ni A-Moape, ni A-Amone maononokena.

Izaya 17:1

Liji lia kutwala ku Ndamaseku ngwo, Ndamaseku kuyichi kupwa limbo nawa; muyipwa mulumba wa yiswaswa.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 49:1

Ha kutwala kuli A-Amone. Yehova kanambe ngwenyi, Izalele te keshi ni ana a malunga? Swana keshi nenyi niumwe? Nyi chocho kuchi te Milikome hasalakana Ngate, ni atu jenyi hatwama mu yihunda yako?

Ezekiel 21:20

Funjika jila ya kwiza katana ku Raba ya A-Amone, ni ku Yunda, ni ku Yerusaleme, chihunda cha kukolesa.

Ezekiel 21:25

Ni yena chingulungulu wa kulijilula, yena mulemu wa A-Izalele, tangwa he hiliaheta, mwaka wa kastigu ye yasula.

Amose 1:14

Chocho mungukawika kahia mu chipanga cha Raba, mukalalisa mbonge jenyi, ni kulikumbukila ha tangwa lia jita, ni kangonga ha tangwa lia chijimbi.

Obadia 1:19

Akwa Negeve kumakazuka mulundu wa Esau. Akwa Shefela kumakazuka A-Filistea. Kumakazuka chifuchi cha Eframe ni chifuchi cha Samaria. Mbenjamine kumakazuka Ngiliate.

Kwalula 10:9

Mu chifuchi chenu muze munwasa jita ni mukwa kole wa kunumwesa lamba, nukembe yitavwi ya kutoweza, mba makanwiwuluka kumeso ja Yehova Zambi yenu. Makanulamwina kuli akwa kole jenu.

Kwalula 21:25

A-Izalele yalwa membo aze eswe. A-Izalele yatwama mu membo eswe a A-Amore, ku Heshebone ni mu yihunda yako yeswe.

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Shimbi 3:11

Mumu Oge Mwanangana wa Mbashane wika ukawenyi wasalile wa ku masalilo ja A-Refane. Kutala! Muhela wenyi wapwile wa utale; uli mu Raba lia kuli A-Amone. Usuhe wawo te mbandu livwa, utohe wawo ngwe mbandu jiwana, nikulita ni cheseko cha mutu.

Yoshua 17:11

Chikwo nawa hakachi ka A-Isaka ni A-Ashe, A-Manase kali ni Mbete-Shiane ni tuyihunda twako, ni Ibliame ni tuyihunda twako, ni akwa Ndole ni tuyihunda twako, ni akwa Endore ni tuyihunda twako, ni akwa Tanaka ni tuyihunda twako, ni akwa Megidu hi tuyihunda twako, ni ye milundu yitatu.

Yoshua 17:16

Munyachi wa José yamba ngwo, Chifuchi cha ku mulundu chatukeha, hindu A-Kanana eswe aze atwama mu chana kali ni matemba-a-jita a utale, ni waze a ku Mbete-Shiane ni tuyihunda two ni waze a mu chikulo cha Yezerele.