Jeremia 49:16 - MUKANDA USANDU WA ZAMBI 1975

¹⁶ Mwongo uze nwakunehena akwo hiwanwonga hamwe ni kulengumuka cha mbunge jenu; enu nwatwama mu yivwenge ya mawe, nwazuka kwe ku mbulwa mulundu. Yehova kanambe ngwenyi, Chipwe mukasa walo we kwilu ngwe wa pupa, hindu mungukuchizako.

Mukanda Wa Zambi 1970

¹⁶ Kulengumuka chenu hichanwonga. Niumwe keshi kunuvwila woma ngwe chize nunanyongo. Kunwatwama mu yimawe, ha milundu yisuku. Alioze chibwe nuli helu kuhiana ngwe tela, Mwene Zambi manuhulumuna hashi. Mwene Zambi wachamba.”

Jeremia 49:16 Iomraidhean Croise

1 MIANANGANA 14:7

Yashiha nawa mu Chikulo cha Mungwa kumi lia tununu twa A-Endome. Yatambula Sela ni jita; yaluka chihunda jina ngwenyi, Yokatele, ndo musono.

Jobe 39:27

Yena wakutumina pupa mba mazezuka ni kusa walo wenyi kwilu?

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Yishima 18:21

Kufwa ni mwono yatwama mu chiyulo cha limi; waze akulizanga makalia mihuko yalio.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Mwaso Ubema Wahiana 2:14

Katele kami mu yivwenge ya mu mawe mu mena a mu mbongo, ngutale meso je! Ngwivwe liji lie! Mumu liji lie liawaha, meso je kanapeme.

Izaya 10:14

Kwoko liami hiliawana upite wa mavungu ngwe chaswa; mba hinakunga hashi heswe ngwe atu kakwanda monda aze hanehuka. Niumwe hazundula pulwa, hanji hapakula kanwa lienyi akalinge pia.

Izaya 2:21

akanjile mu yivwenge ya yimawe, ni yivwenge ya mu mambongo, akaswamine mwongo wa Yehova, ni uhenya wa wanangana wenyi, muze makatuka akakolese mwongo he hashi.

Izaya 49:25

Yehova kanambe ngwenyi, Chipwe funge ja mukwa ndundo maatambula, chipwe funge ja mukwa kupinjisa maapulula, mumu mungulitachika ni waze akulitachika ni yena, mungulamwina ana je.

Jeremia 48:14

Kuchi nwakwamba ngwenu, Tuli akwa kukumba tuli tujita a ndundo?

Jeremia 49:15

Mumu mungukupwisa mukepe hakachi ka mavungu, akakusaule kuli atu.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Jeremia 51:53

Chipwe Babilonia manyina ku malilu; chipwe makolesa ngwe mbonge ya mwilu, hindu yonwonyi munguyihuiumuna hali iye. Chocho kanambe Yehova.

Amose 9:2

Chipwe mafulila ndo ku Shiole hindu kwoko liami mulikaachizako. Chipwe manyina ku malilu mungukaahulumunamo.

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Malaki 1:3

alioze Esau kangupihila. Hinenyeka chifuchi chenyi cha ku milundu ni kuhichika chihinga chenyi chikapwe cha mikuza a mu puya.