Jeremia 49:11 - MUKANDA USANDU WA ZAMBI 1975

¹¹ Hichikenu ana jenu ashiwa, yami mungwafunga, tuliwa jenu angufuliele yami.

Mukanda Wa Zambi 1970

¹¹ Ngukunjikenu ana jenu a shiwa, mungwalela kanawa. Tuliwa jenu ase mbunge hali yami.

Jeremia 49:11 Iomraidhean Croise

Miaso (Masamu) 146:9

Yehova kakufunga njize. Kakujikijisa ana-ashiwa ni tuliwa, alioze jila ya yingulungulu kumakayipwisa yikalu.

Miaso (Masamu) 68:5

Zambi mu zuwo lienyi lisandu kapwa tato ya ana-ashiwa, kanda sopi ya twamishi a mapwo.

Miaso (Masamu) 82:3

Patwila chiswale ni mwana-shiwa. Linga ni ululi kuli mukwa lamba ni mukwa kufulwa.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Yona 4:11

Mba kuchangutambile yami kuvwila keke Ninive, lie limbo linene, muze mwatwama kuhiana kulakaji lia tununu ni makumi aali a tununu a atu kanyingikine kutongola hakachi ka kwoko lio lia chindume ni kwoko lio lia chimeso, ni yimuna anji nawa nyi?

Zakaria 7:10

Kanda nupinjisa twamishi, hanji shiwa, hanji njize, hanji chiswale. Niumwe kanda atakila mukwo chuma chipi mu mbunge yenyi.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Shimbi 10:18

Kakupatwila ni ululi shiwa ni twamishi, kazanga chilambala nikumwaha kulia ni mazalo.

1 Timoteu 5:5

Achi, yoze chamwenemwene mapwa twamishi, hanamuhichika ukawenyi, kakutalatala hali Zambi, nikunyongonona mu kuliumba ni kulemba ufuku ni mwalwa.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.