Jeremia 48:47 - MUKANDA USANDU WA ZAMBI 1975

⁴⁷ Hindu munguhilwisa nawa kuwaha cha Moape ha matangwa a kusula. Chocho kanambe Yehova. Ndo hano, we upatwilo wa Moape.

Mukanda Wa Zambi 1970

⁴⁷ Alioze kulutwe Mwene Zambi makayukisa nawa Amoabe. Yeswe yize Mwene Zambi ahanjikile muyikabwa hali Amoabe.

Jeremia 48:47 Iomraidhean Croise

Jobe 19:25

Mumu ngunanyingika Mukwa-Kungukula katwama ni mwono. Mwe kasula-songo iye kumakamana ha mavu.

Izaya 18:7

Ha mwaka uze maneha milambu kuli Yehova-wa-Tujita ku vungu lia atu asuku, asenena, ku vungu lia atu a kukolesa woma kwihi ni kusuku, vungu lia tachi, lia kukumba; chifuchi cho cha kupulapula ni njiji, kwe ku mulundu wa Zaione, kuma kwa jina lia Yehova-wa-Tujita.

Izaya 23:18

Yuma yenyi ya kutalika ni fweto yenyi makayitumbikila kuli Yehova. Kechi kayitulika hanji kuyitongowenya, alioze yuma yenyi ya kutalika muyipwa kulia cha kulumbama ni mazalo apema kuli waze anatwama kumeso ja Yehova.

Izaya 25:11

Kumakololamo moko jenyi ngwe mukwa kusanyina kakulinga ha kusanyina, hindu Yehova manunguna kulengumuka chenyi hamuwika ni ulangaji wa moko jenyi.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Jeremia 12:14

Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 46:26

Mungwakunjika kuli waze anafupu kwashiha, kuli Nabukanezore mwanangana wa Babilonia ni tupitau twenyi. Kulutwe Engitu makapwa ni atu chizechene ngwe ha matangwa a ku shakulu. Chocho kanambe Yehova.

Jeremia 49:39

Hindu ha matangwa a kusula mungukahilwisa kuwaha cha Elame. Chocho kanambe Yehova.

Jeremia 49:6

Alioze kulutwe munguhilwisa nawa kuwaha cha A-Amone; chocho kanambe Yehova.

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 11:41

Makanjila nawa mu chifuchi cha uhenya, ni anji makaanunguna. Alioze wano makapuluka ku kwoko lienyi: Endome, ni Moape, ni akwa lutwe ja A-Amone.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Kwalula 24:14

Kumanyi, haliapwila munguya kuli atu jami: mungukulweza chize wano atu makalinga kuli atu je ha matangwa a kusula.

Shimbi 31:29

Mumu ngunanyingika ngwami, Kulutwe lia kufwa chami kumunukalilumbula liakulu, munukahambuluka ku jila nanwambileyo, yipi muyiza kunuwana ha matangwa a kusula, mumu munukalinga chipi kumeso ja Yehova, mukumwihia ku yitanga ya moko jenu.

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,