Jeremia 48:44 - MUKANDA USANDU WA ZAMBI 1975

⁴⁴ Yoze machina mwongo malimbuka mu wumbu; ni yoze makatuka mu wumbu mafwa mu kambwila. Mumu mungukoka yuma yino yeswe hali Moape ha mwaka wa kastigu yo. Chocho kanambe Yehova.

Mukanda Wa Zambi 1970

⁴⁴ Mutu yoze makeseka kuchina mwongo makaholokela mu mawumbu; yoze makachina mawumbu makafwa mu miheto, mumu Mwene Zambi hanatongola tangwa lia kwonona Amoabe.

Jeremia 48:44 Iomraidhean Croise

1 Yitanga Ya Mianangana 19:17

Mba yoze masala ku katana ka Hazaele mamushiha kuli Jehu, ni yoze masala ku katana ka Jehu mamushiha kuli Elisha.

1 Yitanga Ya Mianangana 20:30

Akwo yachinyina mwe mu chihunda cha Afeke mba chipanga-cha-mawe chanungukinyine hali makumi aali a tununu ni tununu shimbiali waze asalile. Kashika Mbene-Hadade yachina, yeza mu chihunda, mu chipatulo chimwe cha muchima.

Izaya 10:3

Yika munulinga ha tangwa lia kunufwetesacho, mu kangonga yoze makatuka kusuku? Kuli iya munuchinyina amukwase? Kulihi munuhichika upite wenu?

Izaya 24:17

Enu akwa hashi, mwongo hiwanuwana, ni wumbu, ni kambwila!

Izaya 24:18

Yoze machina ha kwivwa mwongo maholoka mu wumbu; mba yoze makatuka mu wumbu mafwa mu muheto. Mumu manjanela a mwilu hanazuluka, ni fundamentu ja hashi jinachikima.

Jeremia 10:15

Kafwikile nichimwe, chitanga chimwe cha kwonga. Ha mwaka wa kastigu kumakanonga.

Jeremia 11:23

niumwe malisalaho wakuhi. Mumu malunga ja Anatote mungwakokela chipi ha mwaka wa kastigu yo.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Jeremia 23:12

Kashika jila yo muyipwa kuli ayo ngwe majila asenena mu milima kuze maahumina akalimbuke. Mumu mungwakokela chipi ha mwaka wa kastigu yo. Chocho kanambe Yehova.

Jeremia 46:21

Chipwe maswalale jenyi a kufweta hakachi ka iye kapwa ngwe ana a ngombe a maji; ewa, eswe hanalumuka ni kuchina hamuwika; kamanyine. Mumu tangwa lio lia kuji-ni-tomo hiliaawana, mwaka wa kastigu yo.

Jeremia 49:8

Chinenu, hilukenu, twamenu mu yiswamo yenu, enu akwa Ndetane. Mumu mungukokela hali iye kuji-ni-tomo lia Esau muze mungumwaha kastigu.

Jeremia 50:24

Hinakutela kambwila ni yena Babilonia hiwafwamo, hindu kwachinyingikine. Akuwanyine, akukwachile mumu ha kulitachika ni Yehova.

Jeremia 50:27

Shihenu kuji jenyi eswe a ngombe, akaye ku chishihilo. Lamba lio mumu tangwa lio liasula hiliaheta, lie tangwa lia kastigu yo.

Jeremia 51:18

Kafwikile nichimwe; chitanga chimwe cha kwonga; ha mwaka wa kastigu yo makakuwa.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Lungungu 3:47

Mwongo ni mawumbu hiyatuwana ni kwenyeka ni kwonwona.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Mika 7:4

Mwe mupema hakachi ko kapwa-ngwe mukalale, yoze Wahiana ululi hakachi ko kapwa ngwe chipanga cha mbimbo. Tangwa lia tulayi twe, lia kastigu ye hilieza; kutatajala cho hichaheta.