Jeremia 48:42 - MUKANDA USANDU WA ZAMBI 1975

⁴² Moape makanonga; kechi kapwa nawa vungu, mumu ha kulifuza ni Yehova.

Mukanda Wa Zambi 1970

⁴² Amoabe kumaakoonona hikeechi kabwa nawa vungu, mumu haangukatukila.

Jeremia 48:42 Iomraidhean Croise

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Izaya 16:14

Alioze haliapwila Yehova kanambe ngwenyi, Ha miaka yitatu, ya kulita ni miaka ya mukwa kulingila fweto, uhenya wa Moape maupwisa sau, chipwe chihuji chinene chiliko, ni waze malilamwina mapwa akepe ni alelu.

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Izaya 7:8

Mumu mutwe wa Seria Ndamaseku, ni mutwe wa Ndamaseku Rezine; (Ha makumi asambano a miaka ni miaka yitano Eframe muyipatwoka tuyipinji, chocho kuyichi kapwa nawa vungu.)

Jeremia 30:11

Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Jeremia 48:2

lufuma wa Moape hajimuka. Ku Heshebone atakile yipi ya kulimika nenyi ngwo, Tuyenu tukaateteko, alitwamine kupwa vungu nawa. Alioze yena nawa chizaluke kumakakuholesa; katana kumakakukaula.

Ezekiel 35:13

Enu nwalifujile kulimika ni yami ni makanwa jenu. Nwokesele maliji jenu kulimika ni yami, mba ami nachivwile.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Mateu 7:2

Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

Usolwelo 13:6

Iye wapakwile kanwa lienyi akashililike Zambi, mukushililika jina lienyi, ni muma mwenyi mwa kutwama, ni waze akutwama mwilu.