Jeremia 48:41 - MUKANDA USANDU WA ZAMBI 1975

⁴¹ Yihunda mayitambula ni mbonge majikumba. Mbunge ja tujita a Moape ha tangwa lize mujipwa ngwe mbunge ya pwo ha kufumbajala.

Mukanda Wa Zambi 1970

⁴¹ Yihunda ni membo akukoleka kumaakaakumba. Ha tangwa lize tujita twa Moabe maakevwa woma ngwe pwo yoze unafumbajala ha kusema.

Jeremia 48:41 Iomraidhean Croise

Izaya 13:8

makalishimwoka. Misongo ni yikola muyiakwata, ha kulifwita mapwa ngwe pwo mu kufumbajala. Makalitala umwe ni mukwo ni mwongo, meso jo ngengu.

Izaya 21:3

Kashika miongo yami yazala ni kupinda, misongo yangukwata, misongo ya pwo nikufumbajala. Ngunafumbama, kashika Chahashile kwivwa. Ngunalifwichi, kashika Chahashile kumona.

Jeremia 30:6

Hulenu haliapwila nuse chinyingi; lunga mahasa kufumbajala ni mwana? Nyi chocho kuchi te ngunamono lunga mweswe ni moko jenyi ha chiminga ngwe pwo ni misongo? Kuchi te meso eswe hanalumuka a woma?

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 4:9

Yehova kanambe ngwenyi, Ha tangwa lize hamu mulikahona kuli mwanangana ni kuli alemu. Asasendote mevwa mwongo, ni aprofeta makomoka.

Jeremia 48:24

ni Keriote, ni Mbozera ni yihunda yeswe ya chifuchi cha Moape kusuku ni kukamwihi.

Jeremia 49:22

Talenu umwe makatuka, mahumuka fuji ngwe pupa, nikutanda mapulwa jenyi kulimika ni Mbozera, mba mbunge ja tujita a ku Endome ha tangwa lize mapwa ngwe mbunge ya pwo ha kufumbajala.

Jeremia 49:24

Ndamaseku hahonga, halumuka akachine mumu mwongo hiwamukwata. Kulifwita ni kulinyenga chamukwata ngwe pwo ha kufumbajala.

Jeremia 50:37

Eze katana hali tuvwalu twenyi ni matemba jenyi, ni hali maswalale a ku yifuchi yeka waze ali no, hanga akalumuke ngwe mapwo! Eze katana ha upite wenyi akaupupe!

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Jeremia 51:30

Tujita twa Babilonia hanalitwamina kwasa jita; kanatwama mu yiswamo yo. Tachi jo hijahwa, hanalumuka ngwe mapwo. Mazuwo jako kanaweme, ni njalo jenyi hijinamakuka.

Jeremia 6:24

Hitwevwa lufuma wacho, mba moko jetu kanazeye ni upekepeke. Kupinda hichatukwata; yikola ngwe ya pwo ha kufumbajala.

Amose 2:2

Chocho mungutuma kahia ha Moape mukalalisa mbonge ja Keriote, mba Moape makafwa ni Chizungozungo, ni kukalumioka ni liji lia chitavwi.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.