Jeremia 48:32 - MUKANDA USANDU WA ZAMBI 1975

³² Ena mutondo wa uva wa Sibima, ngunakulilila kuhiana Yazere. Mitango ye yahianyine kalunga-lwiji ni kuheta ndo ku Yazere. Mwe chonwonyi hapunda mihuko ye ya lwiza ni vinyu ye.

Mukanda Wa Zambi 1970

³² Mungulila akwa limbo lia Sibma, kuhiana akwa limbo lia Jazere. Yenu akwa Sibma, nuli ngwe mutondo wa vinyu uze mitango yawo yinatande ndoo ku Jazere muze musali lia chitende cha Kufwa. Alioze haliabwila mihuko yenu yalwiza, ni vinyu yenu haayocha.

Jeremia 48:32 Iomraidhean Croise

Jeremia 40:10

Nyi yami, mungutwama mu Mizepa ngukanuhanjikile kuli A-Kaletea waze meza kuli yetu, alioze yenu kungululenu vinyu, ni mihuko ya lwiza, ni maji, nukayitulikile mu yikwachilo yenu, nukatwame mu yihunda yenu yize hinwatambula.

Jeremia 48:15

Mwe Mwanangana jina lienyi Yehova-wa-Tujita kanambe ngwenyi, Mukwa kwonwona Moape ni yihunda yako haneza mba akweze jenyi ahiana kupema hanayi ku chishihilo.

Jeremia 48:18

Ena watwama mu Ndibone! Katuka ku uhenya we, ukatwame ha mavu a chau! Mumu mukwa kwonwona Moape haneza kulimika ni yena; hanonwona yihunda ye ya tachi.

Jeremia 48:8

Chonwonyi meza ku chihunda cheswe, nichimwe chihunda muchililamwina. Mungulunga muujimuka, chana machonwona, chizechene ngwe Yehova hanambe.

Kwalula 21:32

Mose yatuma atu akasembule chifuchi cha Yazere. O yalwa yihunda yacho. Yahuma A-Amore apwileko.

Kwalula 32:1

Achi A-Rupene ni A-Ngate apwile ni mbunga yinene ya yimuna; muze amwene chifuchi cha Yazere ni chifuchi cha Ngiliate, kumanyi chapwile chifuchi cha yimuna.

Kwalula 32:3

Atarote, ni Ndibone, ni Yazere, ni Nimera, ni Heshebone, ni Eleale, ni Shebame, ni Nebo, ni Mbeone,

Kwalula 32:35

ni Atarote-Sofa, ni Yazere, ni Jogabeha,

Kwalula 32:38

ni Nebo, ni Mbale-meone (te yalumuna majina jo) ni Sibima: membo aze atungile yaaluka majina eka.

Yoshua 13:19

ni Kiriataime, ni Sibima, ni Zerete-Shahale ha mulundu mu chikulo,

Yoshua 13:25

Chifuchi cho chapwile Yazere ni yihunda yeswe ya Ngiliate, ni chihanda cha ha muchima cha chifuchi cha A-Amone ndo ku Aroere chili ku Chivumbuko cha Raba,

Yoshua 21:39

ni Heshebone ni ulilo wako, ni Yazere ni ulilo wako; yeswe yapwa yihunda yiwana.