Jeremia 48:26 - MUKANDA USANDU WA ZAMBI 1975

²⁶ Muzengewese mumu walifujile kulimika ni Yehova, kashika Moape makalifwita mu yisaza yenyi, mba iye nawa mamuyunga.

Mukanda Wa Zambi 1970

²⁶ Mwene Zambi ngwenyi: “Moabe muzengesenu ni walwa, mumu hanalimika ni yami. Kumalangumuka mu yisajilo yenyi, atu kumaamuseha.

Jeremia 48:26 Iomraidhean Croise

Jobe 15:25

Mumu hazoza moko jenyi kulimika ni Zambi; kakuhamwisa Mukwa-Ndundo-Jeswe,

Jobe 9:4

Iye mukwa mbunge ya mana, mukwa kutakana ni ndundo. Yoze wakwata nenyi pami mba yatwama kanawa, iya?

Miaso (Masamu) 2:4

Yoze watwama mu malilu kumakaseha, mwe Mwene kumakaayunga.

Miaso (Masamu) 59:8

Alioze yena Yehova kumukaaseha. Kumukakekuna akwa mavungu eswe.

Miaso (Masamu) 60:3

Hiwalweza atu je yuma yikalu, hiwatunwisa vinyu ya kutuzenga.

Miaso (Masamu) 75:8

Mumu musenge muuli mu kwoko lia Yehova ni vinyu yamo yinafuluka. Wapwa wa tò ni kuchinga, neye kumakautehuna. Chamwenemwene yisele yayo mayitehuna kuli yingulungulu a hashi akayinwe.

Kutuhuka 5:2

Falau yamba ngwenyi, Yehova iya? Mba ngupanjike ku liji lienyi, ngweche A-Izalele kuya? Ami Chanyingikine Yehova, chikwo nawa chichi kwecha A-Izalele kuya.

Kutuhuka 9:17

Yena hindu hiwalinangamisa mukulimika ni atu jami, kusolo kwaecha kuya, nyi?

Izaya 10:15

Njimbu muyilisamba helu lia mukwa kulinga nayo milimo? Selalo muyilitohesa kulimika ni mukwa kuyikwata? Chapwa ngwe kachi mbwechi muyizundula yoze mayikwata, hanji mulumbu muuzundula yoze kapwile mutondo.

Izaya 19:14

Yehova hachinga muli ayo mbunge ja kulihiza, mba hapiepietesa A-Engitu mu yitanga yo yeswe ngwe mukwa kuzengewa kakupiepieta mu yisaza yenyi.

Izaya 28:8

Mumu mesa jeswe jazala ni yisaza; kweswe kuli luchisa wika.

Izaya 29:9

Komokenu nulishimwoke, jikenu ku meso nupupute! Zengewenu alioze hi ni vinyu ko, piepietenu alioze hi ni kunwa chisasu ko.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Izaya 63:6

Naliachile mavungu mu utenu wami, nazengewesele mavungu mu ufwatulo wami, nazujile hashi manyinga ja mwono wo.

Jeremia 48:39

Hiwafwa Chichize! Mbimbi yipwa haha! Chize Moape homba nyima ni sonyi! Chocho Moape hanalumuka luchoko ni chuma cha mwongo kuli atu eswe waze anamujingilika.

Jeremia 48:42

Moape makanonga; kechi kapwa nawa vungu, mumu ha kulifuza ni Yehova.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Jeremia 51:39

Shimbu kanachivunduka mungwalulikila chiteleka akazengewe ndo malezumuka, akaye tulo a mutolo nikuhinduka nawa ka. Chocho kanambe Yehova.

Jeremia 51:57

Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Jeremia 51:7

Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Lungungu 1:21

Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Lungungu 3:15

Hanguzalisa ni usasu hangukuchisa ni musase.

Lungungu 4:21

Wahilila ni kulikwiza, ena mwana-pwo Endome watwama mu chifuchi cha Uze; alioze kuli yena nawa musenge uno muukaheta, ni yena mukazengewa ni kulizula uselesele.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 8:10

Yatatuka chikolo ndo ku mbunga ya mwilu, mba amwe a ku mbunga ya matongonoshi yaambila hashi ni kwaliata.

Nahume 3:11

Ni yena nawa mukazengewa; mukevwa chishete; mukafupa chiswamo kuli akwa kole.

Habakuke 2:16

Makuzalisa ni sau, hi uhenya ko. Nwako yena mwene ukapwe ngwe chilima! Musenge wa ku kwoko lia chindume lia Yehova muukuheta mba sonyi mujikafuka uhenya we.

2 A-TESALONIKA 2:4

yoze malimika nikulinangamisa kwilu kulimika ni yize yeswe anayivuluka ngwo, Zambi, chipwe yize yeswe anayiwayila: chocho iye mwene matwama mu tembele ya Zambi, nikulilweza ngwenyi, Yami Zambi.

Usolwelo 16:19

Ni limbo Hapulikile yihanda yitatu; ni membo ja mavungu apuzukile: ewulukile Babilonia kumeso ja Zambi, mukunwaha musenge wa vinyu ya ufwatulo wa utenu wenyi.