Jeremia 48:15 - MUKANDA USANDU WA ZAMBI 1975

¹⁵ Mwe Mwanangana jina lienyi Yehova-wa-Tujita kanambe ngwenyi, Mukwa kwonwona Moape ni yihunda yako haneza mba akweze jenyi ahiana kupema hanayi ku chishihilo.

Mukanda Wa Zambi 1970

¹⁵ Membo ja Moabe heenyeka; akweze jamo abema kuhiana haashiha. Yami mwanangana, Mwene Zambi Mukwa Ndundo Jeswe, hinahanjika.

Jeremia 48:15 Iomraidhean Croise

Miaso (Masamu) 47:2

Mumu Yehova, mwe Chitunda iye kole ni woma, iye mwanangana munene helu lia hashi heswe.

Jeremia 46:18

Mwe Mwanangana jina lienyi Yehova-wa-Tujita kanambe ngwenyi, Ni mwono wami, chizechene ngwe Tabore hakachi ka milundu, ngwe Karmela ku kalunga-lwiji chocho meza.

Jeremia 48:4

Moape hanakuwu, muteto kanawivu ndo ku Zoare.

Jeremia 50:27

Shihenu kuji jenyi eswe a ngombe, akaye ku chishihilo. Lamba lio mumu tangwa lio liasula hiliaheta, lie tangwa lia kastigu yo.

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Jeremia 51:40

Mungwakoka ku chishihilo ngwe anamapanga, ngwe kuji a mapanga ni kuji a pembe.

Jeremia 51:57

Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Zakaria 14:9

Yehova makeza kupwa mwanangana wa hashi heswe. Ha tangwa lize Yehova makapwa umuwika ni jina lienyi limuwika.

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.