Jeremia 48:11 - MUKANDA USANDU WA ZAMBI 1975

¹¹ Moape hahwima chize ku ukweze wenyi mba kenguluka ngwe vinyu. Kamutehwine ku chikwachilo ni chikwachilo chipwe kuya ku unjize. Kashika kuyema chenyi kali nacho ni haliapwila ni lupembo wenyi kalumukine.

Mukanda Wa Zambi 1970

¹¹ Mwene Zambi yamba ngwenyi: “Moabe matangwa eswe kakutwama ni uhwimino, kanda achimutwala kama mu undungo. Moabe kali ngwe vinyu yize keshi kusunga ni kuyilongalonga mu milondo. Kuyema chenyi kuchalumukine, kuchasamukine nichimwe.

Jeremia 48:11 Iomraidhean Croise

Miaso (Masamu) 123:4

Mbunge jetu jazala tò ni lenyo lia waze anatwama kanawa, ni kusaula cha akwa kulengumuka.

Miaso (Masamu) 55:19

Zambi kumakevwa, kumakaakumbulula yoze watwama ku miaka ya shakulu.(Litulike.) Mumu kasolo kwalumuka, kevwilileko woma Zambi.

Yishima 1:32

Mumu yizuzuke kakufwa mumu ha kumba nyima; yihepuke kakulionwona ni kusehejela cho.

Izaya 16:6

Hitwevwa liji lia kulengumuka cha Moape chize alengumukine, ni kulitohesa, ni kulifuza, ni kulizata. Kulisamba chenyi chapwile cha kwonga.

Izaya 24:3

Kumakenyeka he hashi ni kupupaho liakulu mumu Yehova hanahanjika liji lino.

Izaya 25:6

Ha mulundu uno Yehova-wa-Tujita kumakalinga chiwanyino cha yuma ya maji hali mavungu eswe, te chiwanyino cha vinyu yinenguluka, ni yuma ya maji ya tò ni usongosongo, ni vinyu yinenguluka, ya kupemesa kanawa.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 48:12

Kashika Yehova kanambe ngwenyi, Matangwa meza muze mungutuma kuli iye akwa kutehuna, mba mamutehuna, nikupukumuna yikwachilo yenyi, nikupalwola milondo yenyi yipalupalu.

Jeremia 48:29

Hitwevwa lufuma wa kulengumuka cha Moape— walengumuka chikolo— ni kulifuza chenyi, ni kulengumuka chenyi, ni kulizata chenyi, ni kulizelula cha mbunge yenyi.

Jeremia 51:34

Nabukanezore mwanangana wa Babilonia hangulia, hangufwenya, hangupwisa mulondo wamokomoko, hangumina ngwe ngongo munene, hazalisa jimo lienyi ni yuma yami yipema mba hangumbila.

Nahume 2:10

Cheswe cha hululu! Cha kwenyeka ni kulumbula! Mbunge jinalezumuka ni makungunwa kanachikima. Misongo yakwata ku miongo yeswe; meso eswe analumuka a woma.

Nahume 2:2

(Mumu Yehova kanahilwisa nawa ulamba wa Yakomba ngwe ulamba wa Izalele. Se yingumba hanaahulula ni kulumbula mitango yo.)

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.

Zakaria 1:15

Ngunatenuka ni mavungu aze anatwama nikuhwima mumu natenukine hakehe wika alioze o awezele ku luyinda.