Jeremia 47:6 - MUKANDA USANDU WA ZAMBI 1975

⁶ Ena katana wa Yehova, ndo shimbu lika mukahola? Njila mu chindalo che! Hwima; kanda ulisunga!

Mukanda Wa Zambi 1970

⁶ Nunakolojoka ngwenu: ‘Mukwale wa Mwene Zambi! Ndoo mwiji muka muulitwamina kama? Hiluka mu chindalo che, twama mo, uhwime!’

Jeremia 47:6 Iomraidhean Croise

2 Samuel 2:26

Henaho Abenere yatambika kuli Joabe ngwenyi, Katana makanongesa atu ndo ku miaka yeswe, nyi? Kwanyingikine songo mulipwa Usasu? Tangwa lika mutuma atu je akalitwamine kuhanga usoko wo?

1 Sango Ja Mianangana 21:27

Mba Yehova yatuma mungelo; aye yahilwisa katana mu chindalo.

Miaso (Masamu) 17:13

Katuka kama Yehova! Umulimune, umunungwine hashi. Pulula kama mbunge yami kuli chingulungulu ni katana ke.

Izaya 10:15

Njimbu muyilisamba helu lia mukwa kulinga nayo milimo? Selalo muyilitohesa kulimika ni mukwa kuyikwata? Chapwa ngwe kachi mbwechi muyizundula yoze mayikwata, hanji mulumbu muuzundula yoze kapwile mutondo.

Izaya 10:5

Ena Asuria, mbwechi ya utenu wami, mbulo ya ufwatulo wami!

Jeremia 12:12

Akwa kupunda haneza ha milundu yeswe ya hululu mu puya, mumu katana ka Yehova kakuwumbula, chize ku songo limwe lia chifuchi ndo ku songo likwo lia chifuchi; niumwe mutu kali ni sambukila.

Jeremia 12:4

Ndo mwiji muka chifuchi muchilishimwoka, ni mwambu mu minda muulela? Mumu ha ungulungulu wa waze atwamamo tushitu ni tujila hanaahungumunamo, mumu te atu ambile ngwo, Kechi kamona songo lietu.

Jeremia 15:3

Yehova kanambe ngwenyi, Mungusa hali ayo yonwonyi awana ngwami, Katana kushiha, ni tuwa kuwumbula, ni tujila a mu tetela, ni tushitu a hashi kulia ni kwonwona.

Jeremia 25:27

Mba muwamba kuli ayo ngwe, Yehovawa-Tujita, Zambi ya Izalele kanambe ngwenyi, Nwenu, nukazengewe, nukasaze. Limbukenu kanda nukatuka nawa, mumu ha katana yoze ngunatumu hakachi kenu.

Jeremia 4:21

Ndo mwiji muka mungumona mbandeira ni kwivwa liji lia chitavwi?

Jeremia 48:10

Ashingiwe mweswawo malinga milimo ya Yehova ni lwelia; ashingiwe mweswawo makwika katana kenyi kumwanga manyinga.

Jeremia 50:35

Yehova kanambe ngwenyi, Eze katana hali A-Kaletea, ni hali waze atwama mu Babilonia, ni hali alemu jenyi, ni akwa mana jenyi!

Ezekiel 14:17

Chipwe munguneha katana ha chifuchi ni kwamba ngwami, Katana apalike ndusu mu chifuchi, mba mungusutulaho atu ni tushitu,

Ezekiel 21:30

Muhilwise mu chindalo chenyi. Kuze anutangile, mu chifuchi kuze nwakatukile, kwenako mungunusopesa.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

Akwa Kuyula 7:20

Mba je ngango jitatu no embile yitavwi nikushiha mitondo. Masoka anaakwata mu moko a chimeso shimbu makwata yitavwi ya kwimba mu moko a chindume. Yakololoka ngwo, Katana wa Yehova ni wa Ngideone.