Jeremia 47:3 - MUKANDA USANDU WA ZAMBI 1975

³ Atato kechi katala kunyima kuli ana jo, mumu ha upekepeke wa moko jo; ha mukunda wa lundunjila wa sende ja tuvwalu twenyi ha kulundumuka cha matemba jenyi ni chinumo cha maroda jo;

Mukanda Wa Zambi 1970

³ Kumaakevwa lushindo wa tuvwalu, ni lundunjila wa matemba, atata keechi kumbata ana jo; kumaakalekumuka mu moko.

Jeremia 47:3 Iomraidhean Croise

Izaya 5:28

Mivu yo ya kukalula, mata jo a kunana; sende ja tuvwalu jakala ngwe liwe lia kahia, maroda jo ngwe chijimbi,

Jeremia 46:9

Senyenu, tuvwalu! Tenukenu, matemba! Tujita atuhuke malunga ja Etiopia ni Pute waze akukwata lukepwe, malunga ja Lutu waze ajama ni uta wa chinjamina.

Jeremia 50:42

Kanakwata ku uta ni kunga; yiswi keshi keke. Chizungozungo cho chapwa ngwe lundunjila wa kalunga-lwiji. Kanende hali tuvwalu; kanazala ngwe mutu yoze unayi ku jita kulimika ni yena, mwana-pwo Babilonia.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Ezekiel 23:24

Kumakakatuka ku Norte kulimika ni yena ni matemba-a-jita ni matemba ni chihuji cha mavungu. Kumakalilonga akalimike ni yena sali ni sali ni kepwe, ni kepwe jinene, ni ngalau, mba mungukunjika we upatwilo kuli ayo hanga akakupatwile nikulita ni upatwilo wo.

Nahume 2:4

Matemba-a-jita kanachungula mu matapalo, kanalihiji ku malindalinda, kanatemuka ngwe masoka a kahia, kanazomboka ngwe mihenyo.

Nahume 2:8

Ninive hiyalumuka ngwe Chitende meya jacho hachina. Kakuteta ngwo, Manenu! Manenu! Alioze niumwe Natewulukile.

Usolwelo 9:9

O apwile ni yipwiko ngwe yipwiko ya utale; ni lundunjila wa mapulwa jo ngwe lundunjila wa matemba, wa tuvwalu anji nikuzombokela ku jita.

Akwa Kuyula 5:22

Cho kunuma cha molu ja tuvwalu ha kuzombokazomboka cha tuvwalu.