Jeremia 47:2 - MUKANDA USANDU WA ZAMBI 1975

² Yehova kanambe ngwenyi, Talenu meya kanakatuka ku Norte mba kumakapwa muhwiji wa kusupwoka. Kumakafuka chifuchi ni yize yeswe yilimo ni chihunda ni waze eswe atwamamo. Malunga makateta, ni akwa chifuchi eswe makalila mbimbi.

Mukanda Wa Zambi 1970

² ngwenyi: “Tala! Meya kaanakatuka ku norde, kaanapukumuka ngwe lwiji yoze hazala. Kumaafuka chifuchi cheswe ni yuma yeswe yize yilimo, ni membo ni e atu waze atwama mo. Atu kumaakakolojoka aakwase; akwa hashi heswe kumaakalila mbimbi.

Jeremia 47:2 Iomraidhean Croise

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Miaso (Masamu) 50:12

Nyi kachi nevwile zala chichi kukulweza, mumu hashi heswe nihami, ni kulumbama cha upite waho.

Miaso (Masamu) 96:11

Malilu akawahilile, hashi hakevwe chiseke. Kalunga-lwiji akakulunguze ni kulumbama chenyi.

Miaso (Masamu) 98:7

Kalunga-lwiji akakulunguze ni kulumbama chenyi, ni hano hashi ni waze eswe atwamaho.

Izaya 14:31

Lila mbimbi, ena chajilo! Tetwoka, ena limbo! Enu A-Filistea, eswe sangunukenu ni woma. Mumu mwishi unakatuka ku Norte, hakachi ka tujita twenyi kukushi mukwa kukokoloka.

Izaya 15:8

Mumu muteto hiwapalika mweswe mu chifuchi cha Moape; mbimbi hiyaheta ndo ku Egalime, mbimbi hiyaheta ndo ku Mbia-elime.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Izaya 28:17

Upatwilo wa kulita munguupwisa muhipu wami wa kufunjika nawo, ni ululi muupwa prumo yami. Chiwe muchikahungumuna chiswamo cha mahuza, ni meya makazemuna we uchinyino.

Izaya 59:19

Chocho akwa Chitokelo mavwila woma jina lia Yehova. Akwa Chivumbuko mavwila woma uhenya wenyi. Mumu meza ngwe muhwiji wa tachi wa kushinjika ni fuji ya Yehova.

Jeremia 1:14

Yehova yamba kuli yami ngwenyi, Ku Norte chipi muchikatuka ni kuhulumukina hali akwa chifuchi eswe.

Jeremia 46:12

Mavungu hanevu lufuma wa sonyi je; hashi hatakana ni muteto we. Mumu kajita hatalinga hali kajita ni mukwo, mba halimbukila hamuwika.

Jeremia 46:13

Liji Yehova wambile kuli profeta Jeremia ha kutwala ku kwiza cha Nabukanezore mwanangana wa Babilonia akalambe chifuchi cha Engitu, ngwenyi,

Jeremia 46:20

Engitu kapwa ngwe chimbembe mupema wa ngombe, alioze umwe chikefwe wa ku Norte hamuwana.

Jeremia 46:24

Mwana-pwo Engitu mamukolesa sonyi, mamukunjika ku vungu lia ku Norte.

Jeremia 48:39

Hiwafwa Chichize! Mbimbi yipwa haha! Chize Moape homba nyima ni sonyi! Chocho Moape hanalumuka luchoko ni chuma cha mwongo kuli atu eswe waze anamujingilika.

Jeremia 6:22

Yehova kanambe ngwenyi, Atu kaneza a ku chifuchi cha ku Norte. Vungu limwe linene linalisungu ku masongo a hashi kusuku.

Jeremia 8:16

Kuchehula cha tuvwalu two kanachivu ku Ndane; ha kuteta cha tuvwalu two a kuji chifuchi cheswe chinanyiki. Kaneza mukulia chifuchi ni chize cheswe chilimo ni chihunda ni waze atwamamo.

Daniel 11:22

Mbunga ja tujita kumujikahungumuka kumeso jenyi, makajimakwona, chipwe mwe mukwa kuyula wa usendo.

Nahume 1:8

Alioze makasulisa liakulu akwa kulimika nenyi ni sanga lia kusupwokela. Makahanga akwa kole jenyi ndo mu milima.

1 Korintu 10:26

mumu hashi ha mbala ha Mwene ni kulumbama chaho.

1 Korintu 10:28

Ahoze kachi umwe mamba kuli yenu ngwenyi, Chino hanachilambula chitapo ku hamba, kanda nukalia mumu hali yoze hachisolola, mumu ha shimbi ya mbunge:

Tiangu (Jake) 5:1

Achivwenu haliapwila, yenu pichi, lilenu, pozonokenu ha kulungajala chenu, chize muchiza hali yenu.

Usolwelo 17:1

Mba umwe wa kuli angelo shimbiali, waze apwile ni misenge shimbiali, wejile, wahanjikile ni yami, ngwenyi, Tweya kuno, mungukulweza upatwilo wa chikoi munene, yoze watwama ha meya anji eka ni eka.

Usolwelo 17:15

Iye yamba kuli yami ngwenyi, Meya eka ni eka aze hiwamona, haze hatwama chikoi, atu ni yizavu yinji, ni mavungu ni malimi.