Jeremia 46:2 - MUKANDA USANDU WA ZAMBI 1975

² Ha kutwala ku Engitu. Liji lia tujita twa Falau-Neko, mwanangana wa Engitu, aze apwile ku lwiji Ufrateze ku Karkemishi, aze Nabukanezore mwanangana wa Babilonia wakumbile ha mwaka wamuchiwana wa Jehoakime mwana Josia mwanangana wa Yunda ngwenyi,

Mukanda Wa Zambi 1970

² yabutula ni chifuchi cha Egiptu. Yahanjika hakutwala kuli tujita twa mwanangana Neko wa Egiptu, yoze akumbile kuli mwanangana wa chifuchi cha Babilonia ku limbo lia Karkemishi hehi ni lwiji Ufrateze ha mwaka wa muchiwana wa kuyula cha Jehoakime mwanangana wa Yuda ngwenyi:

Jeremia 46:2 Iomraidhean Croise

1 MIANANGANA 18:21

Unajikijila hali A-Engitu, mulumbu wa lumbungu wa kumakuna. Nyi mutu mashindakenyaho muumutuwa kwoko. Falau mwanangana wa Engitu chocho apwa kuli waze eswe mamujikijila.

1 MIANANGANA 23:29

Ha matangwa jenyi Falau-Neko, mwanangana wa Engitu wayile ku lwiji Ufrateze mukwasa jita ni mwanangana wa Asuria. Mba mwanangana Josia wayile kulimika nenyi. Alioze ha kulitala meso, mwanangana wa Engitu yashiha Josia ku Megidu.

1 MIANANGANA 23:33

Falau-Neko yamukashila mu Ribila mu chifuchi cha Hamate kumuchinda kuyula mu Yerusaleme; yafwetesa nawa che chifuchi milambu ya kulakaji lia *talentu ja prata ni *talentu yimuwika ya oru.

1 MIANANGANA 24:7

Mwanangana wa Engitu kakatukile nawa mu chifuchi chenyi, mumu mwanangana wa Babilonia watambwile cheswe chapwile cha mwanangana wa Engitu, chize ku lwiji wa Engitu ndo ku lwiji Ufrateze.

Izaya 10:9

Kalino kuchapwile chimuwika ni Karkemishi? Hamate kuchapwile chimuwika ni Arpade? Samaria kuchapwile chimuwika ni Ndamaseku?

Izaya 19:1

Liji lia kutwala ku Engitu. Talenu, Yehova kanende ha lelwa lia tambu, kaneza ku Engitu. Kashika tuponya twa Engitu kanachikima kumeso jenyi, ni mbunge ja A-Engitu kumujikasangunuka muchima lio.

Izaya 19:19

Ha tangwa lize hakachi ka chifuchi cha Engitu kumukukapwa chilumbilo kuli Yehova, ni nguji limwe kuli Yehova he ha njiza.

Jeremia 25:1

Liji lize liejile kuli Jeremia ha kutwala kuli A-Yunda eswe ha mwaka wamuchiwana wa Jehoakime mwana Josia mwanangana wa A-Yunda (achi chapwile mu mwaka utangu wa Nabukanezore mwanangana wa Babilonia).

Jeremia 25:19

Ni Falau mwanangana wa Engitu, tuvumbi twenyi, ni alemu jenyi, ni atu jenyi eswe.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 36:1

Ha mwaka wamuchiwana wa Jehoakime mwana Josia mwanangana wa Yu nda liji lino liejile kuli Jeremia lia kuli Yehova ngwenyi,

Jeremia 43:11

Kumakeza ni kulamba chifuchi cha Engitu, ni kuhana ku chilungo waze hanaafunjikila chilungo, ni kukunjika ku ufunge waze hanaafunjikila ufunge, ni kukunjika ku katana waze hanaafunjikila katana.

Jeremia 45:1

Liji lia profeta Jeremia kuli Baruke mwana Neria ha kusoneka maliji ano mu mukanda shimbu Jeremia mamusonekesa ha mwaka wamuchiwana wa Jehoakime mwana Josia mwanangana wa Yunda ngwenyi,

Jeremia 46:14

Amba mu Engitu, tambika mu Mingondole; tambika mu Nofe ni mu Tafane; Amba ngwe, Manenu kanawa nulilulike, mumu katana makakuwisa kweswe kwa kunujingilika. Apise, kuchi te hachina?