Jeremia 45:5 - MUKANDA USANDU WA ZAMBI 1975

⁵ Mba yena unalifupila yuma yilemu yena mwene nyi? Kanda uyifupa, mumu Yehova kanambe ngwenyi, Mungukoka yuma yikalu hali atu eswe, hindu mungukwaha mwono we ngwe upite wa jita kweswako muoya.

Mukanda Wa Zambi 1970

⁵ Kuma unalifupila yuma yilemu yena mwene, nyi? Kanda uchilinga. Ngunamwesa atu eswe lamba, alioze yena muuchina ni mwono we, kweswako muuya. Yami Mwene Zambi nachamba.”

Jeremia 45:5 Iomraidhean Croise

Ubutukilo 6:12

Zambi wamwene hashi kumanyi hapihile mumu akwa mwono eswe hanapihisa majila jo hashi.

1 Yitanga Ya Mianangana 3:11

Mba Zambi yamba kuli iye ngwenyi, Mumu hiweta chuma chino; kwechile hali yena mwene kwoka cha miaka, chipwe upite kwawichile; chipwe mwono wa akwa kole je ukaashihe; alioze hiweta hali yena yinyingi ukamone upatwilo;

1 Yitanga Ya Mianangana 3:9

Hana kuli yami kavumbi ke mbunge ya yinyingi hanga ngukayule atu je, ngukahase kupatula hakachi ka chipema ni chipi. Mumu iya mahasa kuyula vungu lino lilemu lia yena?

1 MIANANGANA 5:26

Aye yamba kuli iye ngwenyi, Te mbunge yami kuyayile hamwe ni yena muze lunga akatukanga mu temba lienyi kukupatwiza? Te lino liapwa tangwa lipema kuzuka mbongo, nikuzuka uzalo, ni minda ya olevwe, ni minda ya uva, ni mapanga, ni ngombe, ni ndungo ja malunga ni ja mapwo nyi?

Miaso (Masamu) 131:1

Yehova, mbunge yami kuyishi kulizelula. Meso jami chishi kwatwala kwilu naye. Chipwe yami chendele mu yuma yinene, hanji mu yuma yize yakukomwesa naye kuli yami.

Izaya 66:16

Mumu Yehova malinga upatwilo wenyi ni kahia ni katana ha musunya weswe, ni waze Yehova mashiha mapwa anji.

Jeremia 21:9

Mweswe masala mu chihunda chino mafwa ni katana, ni kapunga, ni chilungo, alioze mweswe matuhuka nikulikunjika kuli A-Kaletea waze ananuseleka kechi kufwa, mamwaha mwono wenyi, upite wa jita.

Jeremia 25:15

Yehova Zambi ya Izalele kanambe kuli yami ngwenyi, Tambula ku kwoko liami musenge uno wa vinyu ya ufwatulo ukanwise mavungu eswe kuze ngunakutumu.

Jeremia 25:16

Kumakanwa, kumakapiepieta, kumakazaluka mumu ha katana ngunatumu hakachi ko.

Jeremia 25:26

Ni mianangana eswe a ku Norte, kusuku ni hakamwihi, umwe ha umwe, ni mawanangana a muno-muze waze ali hashi. Mba muze o hanwa mwe mwanangana wa Babilonia kumanwa.

Jeremia 25:31

Chizungozungo muchikaheta ndo ku masongo a hashi, mumu Yehova kali ni chikuma kusuma nacho mavungu. Kanaputuka kusopa ni atu eswe a musunya, mba yingulungulu kumakaashiha ni katana. Chocho kanambe Yehova.

Jeremia 38:2

Yehova kanambe ngwenyi, Mweswe matwama mu chihunda chino kumafwa ku katana, ni kapunga, ni chilungo. Alioze mweswe maya haze kuli A-Kaletea matwama ni mwono. Kumamwaha mwono wenyi ngwe upite wa jita; kumatwama ni mwono.

Jeremia 39:18

Mumu pundu mungukulamwina; kuchi kufwa ni katana alioze muzuka mwono we ngwe upite wa jita mumu hiunangufuliela. Chocho kanambe Yehova.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

A-ROMA 12:16

Pwenu ni kunyonga chimuwika umwe kuli mukwo ni mukwo. Kanda nunyonga yuma ya kulengumuka, alioze lifutulenu ni waze akulikehesa; kanda nukanyama ni kutaka cha yenwene.

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.