Jeremia 44:7 - MUKANDA USANDU WA ZAMBI 1975

⁷ Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Mukanda Wa Zambi 1970

⁷ “Kashika yami Mwene Zambi, Mukwa Ndundo Jeswe, Zambi ya Israele, ngunahula haliabwila ngwami, mumu yika nwalikokela Chuma chino chibi. Kuma nunazange yenu eswe kufwa: malunga, ni mapwo, ni twanuke, ni ana akemba, hanga niumwe kechi kusala mukachi kenu, nyi?

Jeremia 44:7 Iomraidhean Croise

Yishima 1:18

Ahoze wano kakutwaminyina manyinga jo ene, kakujikinyina kulishiha ene.

Yishima 15:32

Yoze malituna maliji a kumufumba hanalelesa mbunge yenyi mwene; alioze yoze mapanjika liji lia kumukanjisa mapwa ni mbunge.

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Yishima 8:36

Alioze mweswe manguvulumuna malumbula mwono wenyi; yoze akulinwa ni yami kanazange kufwa.

Jeremia 25:6

Kanda nukaula mazambi akwo kwalingila chipwe kwawayila, nukangwihie ni yitanga ya moko jenu, mba chichi kunulinga chipi nichimwe.

Jeremia 25:7

Yehova kanambe ngwenyi, Hindu nwangupangula hanga nungwihie ni yitanga ya moko jenu, nulilumbule.

Jeremia 26:19

Te Hezekia mwanangana wa Yunda ni atu ja A-Yunda yamushiha nyi? Kevwile woma wa Yehova nikulembelela kuli Yehova, mba Yehova yalikonyeka ha kutwala ku yuma yikalu yize hahanjika hali ayo? Alioze yetu tunambe kulikokela yuma yikalu chikolo.

Jeremia 3:24

Chize ku ukweze wetu che chuma cha sonyi hichalia yuma yize yeswe tulamba twetu ahondanganyinyine ni mapanga jo, ni ngombe jo, ni ana jo a malunga ni a mapwo.

Jeremia 38:17

Mba Jeremia yamba kuli Zedekia ngwenyi, Yehova, Zambi-ya-Tujita, Zambi ya Izalele kanambe ngwenyi, Nyi munuzeya kuli alemu ja mwanangana wa Babilonia kechi kunushiha, ni chihunda chino kechi kuchocha ni kahia, ni yenu ni munyachi wenu, munukatwama ni mwono.

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Jeremia 44:14

chocho niumwe hakachi ka masalila ja A-Yunda waze ejile kutwama mu chifuchi cha Engitu momboka, hanji kutwama ni mwono, hanji kuhiluka ku chifuchi cha Yunda kuze anazange kuhiluka ni kutwama. Mumu kechi kahilukako, shina amwe akwa kuchina.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 51:22

ni yena mungupalwola lunga ni pwo; ni yena mungupalwola kashinakaji ni mwana-lunga; ni yena mungupalwola mukweze ni mwana-pwo;

Jeremia 7:19

Yehova kanambe ngwenyi, Yami anehi? Hi ene ko hanga akevwe sonyi?

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Lungungu 2:22

Walakenyene mwongo wami wa jita sali ni sali ngwe ku tangwa lia chiwanyino cha kufunjika, mba ha tangwa lia utenu wa Yehova niumwe wombokele, niumwe walisalile. Te waze nakangayikine, waze nalelele mukwa kole yami waonwene.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Habakuke 2:10

Hiwataka sonyi ha munyachi wa yena mwene ha kusutula mavungu anji. Hiwatokesa mwono we.

Kwalula 16:38

Ye yikwachilo ya wano atu halivulumuna mwono woene, nukayifule yuma yasamana ya kutatula, yikapwe chifuko cha ha chilumbilo; mumu o yayilambula kumeso ja Yehova, kashika kuyapwa yisandu. Yikapwe chilayi kuli A-Izalele.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Akwa Kuyula 21:11

Chino munulinga, mununongesa liakulu lunga mweswe, ni pwo mweswe hapomba ni lunga.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

1 Samuel 22:19

Ni Nobe nawa chihunda cha asasendote yashiha ni katana; ni malunga ni mapwo, ni ana ni akwa kwamwa, ni ngombe, ni yimbulu ni mapanga. Eswe yaashiha ni katana.